پاکستانی فلم’ دیمک ‘کا بڑا اعزاز،ایس سی او فلم فیسٹیول میں بیسٹ ایڈیٹنگ کا ایوارڈ حاصل کر لیا

شنگھائی: پاکستانی فلم’ دیمک ‘شنگھائی کارپوریشن آرگنائزیشن فلم فیسٹیول 2025 ء میں بیسٹ ایڈیٹنگ اور فلم’ نایاب‘ سپیشل جیوری ایوارڈ کی حقدار قرار پائیں۔

ایس سی او فلم فیسٹیول چینی ضلع یانگ ژو میں پانچ روز تک جاری رہا۔ڈائریکٹر فلم دیمک  رافع راشدی اور اداکارہ سونیا حسین نے ایوارڈ وصول کیا۔ ڈائریکٹر فلم نایاب عمیر ناصر علی اور اسامہ خان نے ایوارڈ وصول کیا۔ 

فلم فیسٹیول میں پاکستانی وفد میں پاکستان فلم پروڈیوسرز ایسوسی ایشن کے چیئرمین شہزاد رفیق( جیوری ممبر)، فلم ڈسٹری بیوٹر ندیم مانڈوی والا،عرفان ملک،وزیر مملکت برائے تعلیم وجہیہ قمر، ڈائریکٹر جنرل ڈی ای ایم پی ثمینہ فرزین، پاکستان ایمبیسی چائینہ منظور علی ،فلم نایاب کے ڈائریکٹر عمیر ناصر علی،پروڈیوسر رومینہ عمیر،نعمان خان،اداکار اسامہ خان شامل تھے۔