آئی سی سی میں بھارتی اجارہ داری،جے شاہ کے بعد ایک اور اہم عہدے پر انڈین تعینات

دبئی: عالمی کرکٹ کونسل( آئی سی سی) میں جے شاہ کے بعد ایک اور اہم عہدے  بھارتی کو تعینات کردیا گیا۔

تفصیلات کے مطابق عالمی کرکٹ کونسل نے بھارت کے سنجوگ گپتا کو آئی سی سی کا چیف ایگزیکٹو مقرر کردیا گیا ہے۔

سنجو گ گپتا کی تقرری انٹرنیشنل کرکٹ کونسل نومینیشن کمیٹی کی منظوری سے دی گئی، وہ اس سے پہلے بھارتی براڈکاسٹ کمپنی جیوسٹار سے منسلک رہے۔

اس طرح جے شاہ کے بعد ایک اور بھارتی شخصیت کو اہم عہدہ دے دیا گیا ہے۔

 آئی سی سی چیئرمین جے شاہ نے کہا کہ سنجو گ گپتا کے پاس کرکٹ کا وسیع تجربہ ہے، اس عہدہ پر ان کی تقرری کی خوشی ہے
چیئرمین جے شاہ کے بعد سنجوگ گپتا دوسرے بھارتی ہیں جو اہم عہدہ پانے میں کامیاب ہوئے ہیں، آئی سی سی نومینیشن کمیٹی میں عمران خواجہ، رچرڈ تھامسن، شامی سلوا اور دیواجیت سائیکیا شامل ہیں۔

دوسری جانب آئی سی سی کی جانب سے جاری بیان میں کہا گیا ہے کہ سنجوگ گپتا آج سے چیف ایگزیکٹوآئی سی سی کی ذمہ داریاں سنبھالیں گے۔

خیال رہے کہ اس عہدے کے لیے 25 ممالک سے 2500 سے زائد درخواستیں موصول ہوئیں جب کہ سنجوگ گپتاکی تقرری مارچ میں شروع کیے جانے والے ریکروٹمنٹ پراسیس کے تحت ہوئی۔