وزیراعظم کاپنجاب کیلئے انتظامی اور وراثتی سرٹیفکیٹس کےلیٹرکااجراء

تفصیلات کے مطابق انتظامی اور وراثتی سرٹیفکیٹس ایکٹ کے مطابق قانونی ورثاء نادرا سے وراثتی سرٹیفکیٹ عدالتوں سے رجوع کئے بغیر حاصل کرسکتے ہیں۔اس موقع پر اظہار خیال کرتے ہوئے وزیراعظم عمران خان  نے اسے بہترین اقدام قرار دیا۔

انہوں نے   کہا کہ اس سے بیرون ملک مقیم پاکستانیوں سمیت عوام کو بڑی سہولت فراہم ہوگی۔وزیراعظم نے عوام کے رہن سہن میں مزید آسانی لانے کے لئے جدید ٹیکنالوجی کے استعمال کے عزم کا اظہار کیا۔

وزیراعظم نے کہا کہ پہلی بار ایسا نظام لارہے ہیں جس سے پاکستانیوں کو بڑی امیدیں ہیں، پاکستان میں ایسے الیکشن کرائیں گے کہ اپوزیشن ہار جائے تب بھی انتخابی نتیجہ تسلیم کرلے گی۔ انہوں نے کہاکہ حکومت کا اصل کام عوام کے لئے آسانی پیدا کرنا ہے، وزارت قانون پر بہت دباؤ ہے، ہم بھی شکایت کرتے ہیں کہ وزارت قانون میں فائل جاتی ہے تو پتہ نہیں چلتا کہاں گئی۔

 وزیراعظم نے کہا ہے کہ وہ بیرون ملک مقیم پاکستانیوں کو انتخابی عمل میں شامل کرانا چاہتے ہیں، اوورسیز پاکستانیوں کے لیے ای ووٹنگ کا نظام اور پاکستانی ووٹرز کے لیے الیکٹرونک ووٹنگ مشین کا استعمال یقینی بنانا ہے۔ وزیراعظم عمران خان نے مزید کہاکہ انفارمیشن ٹیکنالوجی سے انقلاب آگیا ہے، نادرا نے وراثتی سرٹیفکیٹ کے حصول کو بہت سادہ بنادیا ہے۔

اسلام آباد میں مختلف ترقیاتی منصوبوں کا سنگ بنیاد سے متعلق تقریب میں خطاب کے دوران وزیر اعظم عمران خان نے زور دیا کہ اگر اسلام آباد کا ماسٹر پلان تیار نہیں کیا گیا تو آئند چند برسوں میں وفاقی شہر کو کوئی مسائل کا سامنا ہوگا۔  انتظامیہ کے لیے ضروری ہے کہ وہ پہلے ماسٹر پلان تیار کرے، جو سبزہ موجود ہے اس کا تحفظ یقینی بنائے اور پھر جو جگہ خالی ہے اس میں درخت لگائے جائیں۔اسلام آباد میں لندن جتنی بارش ہوتی ہے اس لیے کوشش کریں کہ اسلام آباد ایک مثالی شہر بنیں کیونکہ یہاں درختوں کی نشو نما تیز ہے۔انہوں نے کہا کہ اسلام آباد کی زمینوں پر قبضہ کی اصل وجہ پیسہ بھی ہے  جبکہ لاہور میں بھی یہ ہی مسئلہ درپیش ہے۔ قبضہ مافیاسے نجات کیلئےنئی قانون سازی کر رہے ہیں۔