عالمی وبا : دنیا بھرمیں کوروناکیسز کی تعداد 10کروڑ 82 لاکھ سےتجاوز

تفصیلات کے مطابق دنیا بھر میں کورونا سے اموات  کا سلسلہ   تھم نہیں سکا ،  دنیا بھر میں کورونا سے متاثرہ ممالک کی فہرست میں امریکہ پہلے نمبر پر ہے ۔جہاں 4 لاکھ 86 ہزار 922 اموات ہوچکی ہیں اور 2 کروڑ 80 لاکھ 2 ہزار سے زائد افراد متاثر ہیں۔بھارت کورونا کیسز کے اعتبار سے دنیا میں دوسرے نمبر پر ہے جہاں اموات کی تعداد ایک لاکھ 55 ہزار 484 اور ایک کروڑ 8 لاکھ 80 ہزار سے زائد افراد میں وائرس کی تشخیص ہو چکی ہے۔

کورونا وائرس کے مریضوں کی تعداد کے حوالے سے ممالک کی اس فہرست میں برازیل تیسرے نمبر پر ہے جہاں   کورونا سے ہونے والی اموات کی مجموعی تعداد 2 لاکھ 36 ہزار سے تجاوز کرچکی ہے  اور 97 لاکھ 16 ہزار سے زائد افراد متاثر ہیں۔ روس میں 40 لاکھ 27 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 78 ہزار 687 ہے۔

برطانیہ، وائرس کی تیسری اور بدترین لہر کا شکار ہے، برطانیہ میں  کورونا کیسز میں اضافے کے بعد  17جولائی تک لاک ڈاؤن   بڑھا دیا گیا ہے۔ برطانیہ میں  39 لاکھ 98 ہزار سے زائد افراد متاثر ہیں اور ایک لاکھ 15 ہزارسے زائد اموات ہوچکی ہیں۔ فرانس میں 34 لاکھ 6 ہزار سے زائد افراد متاثر اور 80 ہزار 803 جان کی بازی ہار چکے ہیں۔

اسپین میں 30 لاکھ 41 ہزار سے زائد افراد متاثر اور 64 ہزار 217 اموات ہوئی ہیں۔ اٹلی میں بھی 26 لاکھ 83 ہزار سے زائد افراد متاثر ہیں جبکہ 92 ہزار 729 افراد ہلاک ہوچکے ہیں۔ایران میں اب تک58ہزارسے زائد افراد کوروناوائرس سے ہلاک ہوچکے ہیں جبکہ متاثرہ مریضوں کی تعداد14لاکھ سے زائد ہوچکی ہے ۔ کورونا سے دنیابھر میں 8کروڑ34لاکھ  سے  زائد افراد صحت یاب  ہوچکے ہیں ، جبکہ 2 کروڑ 54 لاکھ 38 ہزار سے زائد زیر علاج ہیں۔

 خیال رہے کہ کورونا وائرس کا پہلا کیس17نومبر 2019 کورجسٹر ہواتھا ۔