ورلڈ چیمپئن شپ آف لیجنڈز: پاکستان کی سنسنی خیز مقابلے کے بعد انگلینڈ کو شکست

برمنگھم :پاکستان چیمپینز نے ورلڈ چیمپین شپ آف لیجنڈز2025 کے افتتاحی میچ میں پاکستان نے انگلینڈ کو دلچسپ مقابلے کے بعد 5 رنز سے شکست دے دی۔

انگلینڈ میں جاری ورلڈ چیمپین شپ آف لیجنڈز کے افتتاحی میچ میں انگلینڈ نے ٹاس جیت کر پاکستان کو بیٹنگ کی دعوت دی۔پاکستان نے بیٹنگ کرتے ہوےمقررہ  20اوورز میں 160رنز بناے۔

ابتداء میں پاکستان چیمپئنز کو مشکلات کا سامنا رہا، اوپنر شرجیل خان 12 رنز بنا کر چوتھے اوور میں آؤٹ ہو گئے۔ اگلے اوور میں  کامران اکمل بھی 8 رنزپر پویلین لوٹ گئے، اس کے بعد کپتان محمد حفیظ اور عمر امین نے اننگز کو سنبھالنے کی کوشش کی، مگر عمر امین صرف 6 رنز بنا کر رن آؤٹ ہو گئے۔   

  مزید 3 وکٹیں جلد گر نے کے باوجود محمد حفیظ نے شاندار اننگز کھیلی اور 34 گیندوں پر 54 رنز بنائے، جن میں 8 چوکے شامل تھے۔
آخری اوور میں عامر یامین نے جارحانہ انداز اپنایا اور صرف 13 گیندوں پر 27 رنز بنائے، جن میں 3 چھکے شامل تھے۔  

دوسری جانب پاکستان کے 161 رنز کے ہدف کے خلاف انگلینڈ کی ٹیم 3وکٹوں کے نقصان پر 155 رنز بنا سکی۔

انگلینڈ کی جانب سے فل مسٹرڈ نے 51 گیندوں پر 58 رنز کی اننگز کھیلی جبکہ ای این بیل  نے 35 گیندوں پر ناقابل شکست 51 رنز بنائے۔
کپتان مورگن بھی 12 گیندوں پر 16 رنز بناکر ناٹ آؤٹ رہے۔

پاکستان کی جانب سے رومان رئیس، عامر یامین اور سہیل تنویر نے ایک، ایک وکٹ حاصل کی۔