بالی وڈکنگ شاہ رخ خان فلم کی شوٹنگ کے دوران شدید زخمی،اسپتال داخل

ممبئی :بالی وڈ کے سپر ہٹ اداکار شاہ رخ خان اپنی فلم  ’ کنگ‘ کی شوٹنگ کے دوران زخمی ہوگئے۔

بھارتی میڈیا رپورٹ کے مطابق شاہ رخ خان ممبئی  میں ایکشن فلم  ’’کنگ‘‘ کی شوٹنگ کے دوران زخمی ہو گے۔ اداکار کو کمر اور مسلز میں چوٹیں لگیں، جس کے بعد انہیں فوری طور پر ہسپتال منتقل کیا گیا، جہاں ان کی سرجری بھی کردی گئی۔

 ذرائع  کے مطابق ڈاکٹرز نے شاہ رخ خان کو ایک ماہ سے زائد وقت تک آرام کا مشورہ دیا جب کہ اداکار مزید علاج کے لیے امریکا بھی روانہ ہوگئے۔

رپورٹ میں دعویٰ کیا گیا کہ شاہ رخ خان کو آنے والی چوٹیں سنگین نہیں، تاہم اس باوجود اداکار مزید علاج کے لیے امریکا روانہ ہوگئےمزید بتایا گیا کہ شاہ رخ خان کو ماضی میں بھی کمر اور مسلز میں چوٹیں لگی ہیں، جس وجہ سے وہ مزید اور بہتر علاج کے لیے امریکا روانہ ہوئے۔

یاد رہے کہ شاہ رخ خان کی عمر 60 سال ہو چکی ہے اور گزشتہ چند سال سے وہ مسلسل ایکشن فلموں میں دکھائی دے رہے ہیں، وہ ایکشن اور خطرناک مناظر خود ہی شوٹ کرواتے ہیں، عام طور پر خطرناک مناظر اصلی اداکار کی جگہ اسٹنٹ مین سے کروائے جاتے ہیں۔

بھارتی میڈیا رپورٹس کے مطابق شاہ رخ خان کا خاندان پہلے ہی امریکا میں موجود ہے اور وہ تقریبا دو ماہ تک وہاں قیام کرنے کے بعد ستمبر میں واپس ہوں گے،  جس کے باعث فلم کی شوٹنگ بھی ملتوی کر دی گی ہے۔

تاہم ابھی تک اداکار کی ٹیم کی جانب سے اس حوالے سے کوئی بیان جاری نہیں کیا گیا۔