کراچی : پانچویں جماعت کی طالبہ سے شادی کرنیوالا ملزم ضمانت منسوخ ہونے پر عدالت سے فرار

کراچی: شہر قائد میں پانچویں جماعت کی طالبہ سے شادی کرنے کے مقدمے میں نامزد ملزم ضمانت خارج ہونے پر عدالت سے فرار ہو گیا۔

تفصیلات کے مطابق کراچی کے ایڈیشنل ڈسٹرکٹ اینڈ سیشن جج نے کمسن لڑکی کی شادی سے متعلق کیس کی سماعت کی۔

جہاں ایڈیشنل ڈسٹرکٹ اینڈ سیشن جج ویسٹ کی عدالت کے روبرو کمسن لڑکی سے شادی کرنے کے مقدمے میں ملزم کی درخواست ضمانت کی سماعت ہوئی، جس میں  عدالت نے ملزم ذیشان کی عبوری ضمانت منسوخ کردی۔

دوران سماعت وکیل مدعی نے دلائل دیتے ہوئے کہا کہ ملزم نےپانچویں جماعت کی 13 سال کی بچی سے شادی کی اور ملزم کے خلاف سندھ چائلڈ میرج ایکٹ کے تحت مومن آباد تھانے میں مقدمہ درج کیا گیا۔

عدالت نے وکیل کے دلائل سننے کے بعد ملزم کی ضمانت منسوخ کردی جس پر ملزم عدالتی فیصلہ سنتے ہی کمرہ عدالت سے فرار ہوگیا۔
بعد ازاں عدالت نے لڑکی کو شیلٹر ہوم بھیج دیا۔