خیبرپختونخوا سینیٹ الیکشن: پی ٹی آئی کے 6، اپوزیشن کے 5 امیدوار کامیاب

پشاور: خیبر پختونخوا اسمبلی میں سینیٹ انتخابات کے سرکاری نتائج سامنے آ گئے ہیں۔ الیکشن کمیشن کی جانب سے جاری کردہ حتمی نتائج کے مطابق پاکستان تحریک انصاف (پی ٹی آئی) کے 6 امیدوار کامیاب قرار پائے ہیں، جبکہ اپوزیشن کو 5 نشستیں حاصل ہوئیں۔

الیکشن کمیشن نے تمام نشستوں کے سرکاری نتائج جاری کرتے ہوئے ریٹرننگ افسر کی جانب سے فارم 58 (سرٹیفیکیٹ آف الیکشن) بھی جاری کر دیا۔

 پی ٹی آئی کے کامیاب امیدوار:
مراد سعید: 26 ووٹ

فیصل جاوید: 22 ووٹ

نورالحق قادری: 21 ووٹ

مرزا گل آفریدی: 21 ووٹ

اعظم سواتی (ٹیکنوکریٹ نشست): 89 ووٹ

روبینہ ناز (خواتین نشست): 89 ووٹ

 اپوزیشن کے کامیاب امیدوار:
طلحہٰ محمود (پیپلز پارٹی، جنرل نشست): 17 ووٹ

نیاز احمد خان (مسلم لیگ ن، جنرل نشست): 18 ووٹ

عطا الحق درویش (جے یو آئی ف، جنرل نشست): 18 ووٹ

دلاور خان (جے یو آئی ف، ٹیکنوکریٹ نشست): 54 ووٹ

روبینہ خالد (پیپلز پارٹی، خواتین نشست): کامیاب

 حکومت اور اپوزیشن کا فارمولہ کامیاب
سینیٹ انتخابات کے دوران حکومت اور اپوزیشن کے درمیان طے پانے والے 6-5 فارمولے پر مکمل عملدرآمد ہوا۔
وزیراعلیٰ علی امین گنڈاپور اور اپوزیشن لیڈر نے معاہدے پر عملدرآمد کی نگرانی کی۔ اراکین کو ترجیحی ووٹ ڈالنے کی ہدایت دی گئی تھی۔

الیکشن کمیشن کے مطابق ایوانِ بالا کی 11 نشستوں کے لیے 145 اراکین اسمبلی نے ووٹ کاسٹ کیا۔
الیکشن میں جنرل نشستوں پر حکومت کی جانب سے 4 اور اپوزیشن کی طرف سے 3 امیدوار، جبکہ خواتین اور ٹیکنوکریٹ کی دو دو نشستوں پر دونوں جانب سے امیدوار میدان میں تھے۔