امریکی صد رٹرمپ کا متحدہ عرب امارت میں پھنسے افغان شہریوں کی مدد کا اعلان

واشنگٹن : امریکی صدر ڈونلڈ ٹرمپ نےمتحدہ عرب امارات ( یو اے ای ) میں پھنسے افغان شہریوںکی مدد کرنے کا اعلان کر دیا۔

تفصیلات کے مطابق اپنی سوشل میڈیا پوسٹ میں صدر ٹرمپ نے کہا ہے کہ افغانستان میں طالبان کے اقتدار سنبھالنے کے بعد بہت سے افغان شہری ملک چھوڑنے پر مجبور ہوئے اور اب وہ یو اے ای میں مقیم ہیں۔

انہوںنے مزید لکھا افغانستان پر طالبان کے کنٹرول کے بعد مفرور افغانی متحدہ عرب امارات میں ہیں، ان شہریوں کو محفوظ بنایا جائے گا اور اس پر کام شروع ہوچکا ہے۔

انہوں نےمزید کہا کہ افغان عوام کو محفوظ پناہ دینے کے لیے ہر ممکن کوشش کی جائے گی۔

جبکہ اس سے قبل ٹرمپ انتظامیہ نے اپریل میں ہزاروں افغان اور کیمرونی شہریوں کے لیے ملک بدری سے بچاؤ کی عارضی حیثیت ختم کردی تھی۔

واضح رہے کہ یو ای اے کچھ افغان شہریوں کو طالبان کے حوالے کرنے کی تیاری کر رہا تھا۔ متحدہ عرب امارات امریکا کا قریبی سیکیورٹی پارٹنر ہے، اس نے 2021 میں کابل سے بے دخل کیے گئے کئی ہزار افغانوں کو عارضی طور پر رکھنے پر اتفاق کیا تھا۔