سینئر اسٹیج اداکارہ عابدہ بیگ کی وزیر اعلیٰ پنجاب مریم نواز سے مالی امداد کی اپیل

اسٹیج کی سینئر اداکارہ عابدہ بیگ نے وزیر اعلیٰ پنجاب مریم نواز سے مالی امداد کی اپیل کردی۔ عابدہ بیگ نے ایک انٹرویو میں کہا کہ مجھے  شوبز میں چالیس سال ہوگئے ہیں۔

اپنی پرفارمنس سے لوگوں کو انٹرٹین کیا لیکن اب کام کی ہمت نہیں ہے۔ وزیر اعلیٰ پنجاب مریم نواز سے اپیل ہے کہ میرا علاج سرکاری سطح پر کرایا جائے اور میری مالی مدد کی جائے ۔

عابدہ بیگ نے کہاکہ طاہر انجم نے مجھے کہا تھا کہ ن لیگ کی حکومت آئے گی تو فنکاروں کے وارے نیارے ہوجائیں گے لیکن طاہر انجم آج تک نہ ملنے آیا اور نہ ہی فون اٹھاتا ہے۔ عابدہ بیگ نے کہا کہ سہیل احمد اور سخی سرور بٹ سے ملاقات کرکے ان سے دل کی باتیں کرنا چاہتی ہوں ۔