پنجاب اور خیبر پختونخوا میں آج موسلا دھار بارشوں کا الرٹ جاری

پنجاب اور خیبر پختونخوا میں آج مزید موسلا دھار بارشوں کا الرٹ جاری کر دیا گیا ہے۔

نیشنل ڈیزاسٹر منیجمنٹ اتھارٹی (این ڈی ایم اے) کے مطابق  شہریوں کو درخت، بل بورڈز اور غیرمحفوظ تعمیرات سے دور رہنے کی ہدایات کی گئی ہے۔

این ڈی ایم اے کے مطابق گزشتہ 24 گھنٹوں کے دوران بارشوں کے باعث 10 افراد جاں بحق اور 13 زخمی ہوئے ہوئے۔ 

راولپنڈی اور اسلام آباد میں وقفے وقفے سے بارش ہوئی، نالہ لئی میں پانی کی سطح 10 فٹ تک بلند ہوگئی، راول ڈیم میں پانی کی سطح 1 ہزار 749 فٹ ہونے پر سپل ویز کھول دیئے گئے، پنجاب اور خیبر پختونخوا میں آج شدید بارشوں کی پیش گوئی کردی گئی، این ڈی ایم اے نے الرٹ جاری کر دیا۔

مون سون بارشوں میں مجموعی طور پر 252 افراد جاں بحق،611 زخمی ہو چکے، مرنے والوں میں 121 بچے، ، 85 مرد اور 46 خواتین شامل ہیں، پنجاب میں سب سے زیادہ 139، خیبر پختونخوا میں 60 اموات ہوئیں، سندھ میں 24، بلوچستان 16، اسلام آباد 6، آزاد کشمیر میں 2 افراد لقمہ اجل بنے۔