امریکی وزیر خارجہ سے ملاقات کیلئے اسحاق ڈار واشنگٹن پہنچ گئے

نائب وزیراعظم اور وزیرخارجہ اسحاق ڈار واشنگٹن پہنچ گئے ۔ 

ترجمان دفتر خارجہ کے مطابق نائب وزیراعظم اسحاق ڈار ایک روزہ دورے پر واشنگٹن پہنچے ہیں، جہاں وہ امریکی وزیر خارجہ مارکو روبیو سے محکمہ خارجہ میں ملاقات کریں گے۔

اس ملاقات میں پاک-امریکا تعلقات کو مزید مستحکم بنانے کے حوالے سے بات چیت کی جائے گی، اور تجارت و اقتصادی تعاون کے فروغ پر خصوصی توجہ دی جائے گی۔

دفتر خارجہ نے بتایا کہ اسحاق ڈار اور مارکو روبیو کی ملاقات پاکستانی وقت کے مطابق آج رات 8 بجے ہوگی۔

ترجمان نے کہا کہ پاکستان پُرامن سفارتکاری پر یقین رکھتا ہے اور تمام تنازعات کا حل مذاکرات کے ذریعے ممکن سمجھتا ہے۔ بھارت کو یہ فیصلہ کرنا ہو گا کہ وہ کون سی پالیسی اختیار کرتا ہے۔