شعیب ملک اور ثانیہ مرزا کو دبئی کا گولڈن ویزہ مل گیا

غیر ملکی خبر رساں ادارے کے مطابق    یو اے ای حکومت نے کرکٹر شعیب ملک اور ثانیہ مرزا کو گولڈن ویزہ  دے دیا ہے۔دونوں کھلاڑیوں کو دس سال تک دبئی میں رہنے کی اجازت ہوگی۔شعیب ملک اور ثاینہ مرزا دبئی میں کرکٹ اور ٹینس اکیڈمی کھولنے کا ارادہ رکھتے ہیں۔

خیال رہے کہ متحدہ عرب امارات نے 2019 میں گولڈ ویزوں کے اجرا کا اعلان کیا تھا۔

گولڈن ویزا کیا ہے؟

گولڈن ویزا ایک دس سالہ رہائشی کارڈ ہے جس کا اعلان 21 مئی  2019کو کیا گیا۔

متحدہ عرب امارات کے نائب صدر شیخ محمد بن راشد المکتوم نے سماجی رابطے کی ویب سائٹ ٹوئٹر پر 'گولڈن کارڈ' کا اعلان کرتے ہوئے لکھا تھا کہ " ہم نے سرمایہ کاروں، انتہائی قابل ڈاکٹروں، انجینئروں، سائنسدانوں اور فنکاروں کو مستقل رہائش دینے کے لئے گولڈن کارڈ اسکیم لانچ کیا ہے۔اس کے تحت مجموعی طور پر 100 ارب درہم تک کی مالیت کی سرمایہ کاری کرنے والے 6800 سرمایہ کاروں کو پہلے دور میں 'گولڈن کارڈ' جاری کیا جائے گا' جن کا تعلق 70 ممالک سے ہوگا۔

We launched a new “Golden Card” system to grant permanent residency to investors and exceptional doctors, engineers, scientists and artists. The first batch of 6,800 investors with Dh100 billion worth of investments will be granted the “Golden Card.”

— HH Sheikh Mohammed (@HHShkMohd) May 21, 2019