برطانوی پارلیمنٹ کے 221 ارکان کا وزیر اعظم کو خط، فلسطین کو ریاست تسلیم کرنے کا مطالبہ

 لندن:  برطانیہ کی مختلف سیاسی جماعتوں سے تعلق رکھنے والے 221 ارکان پارلیمنٹ نے وزیراعظم کیئر اسٹارمر کو ایک خط لکھاہے،جس میں مطالبہ کیا گیا ہے کہ برطانیہ اقوام متحدہ کی آئندہ فلسطین کانفرنس کے دوران فلسطینی ریاست کو سرکاری طور پر تسلیم کرے۔ 

تفصیلات کے مطابق اراکین نے خط میں لکھا کہ 28سے 29 جولائی کو نیو یارک میں فرانس اور سعودی عرب کی مشترکہ صدارت میں ہونے والی کانفرنس سے قبل وہ برطانوی حکومت کی حمایت ریکارڈ پر لانا چاہتے ہیں۔
خط میں کہا گیا کہ  فلسطینی ریاست کو تسلیم کرنا برطانیہ کی تاریخی ذمہ داری بھی ہے، کیونکہ وہ بلفور ڈیکلریشن کا اجرا کرنے والا ملک اور فلسطین میں سابقہ مینڈیٹری طاقت رہا ہے۔

پارلیمنٹریز نے کہا کہ برطانیہ کے پاس فلسطینی ریاست کے قیام کا واحد اختیار نہیں، لیکن اقوام متحدہ کی سلامتی کونسل کے مستقل رکن کے طور پر اس کی تسلیم شدہ حمایت انتہائی اہم اور علامتی اقدام ہو گی۔ 
خط میں واضح کیا گیا کہ 1980 سے برطانیہ دو ریاستی حل کی حمایت کرتا آیا ہے، اور 2014 میں ایوان زیریں نے فلسطین کو تسلیم کرنے کے حق میں قرار داد بھی منطور کی تھی۔ 

مزید کہا گہا کہ یہ بین الجماعتی خط اس بات کا ثبوت ہے کہ پارلیمنٹ میں تمام سیاسی حلقے فلسطینی ریاست کو تسلیم کرنے پر متفق ہیںاور وقت آ گیا ہے کہ اس موقف کو عملی جامہادھر لندن میں ہزاروں افراد نے فلسطین کے حق میں مظاہرہ کرتے ہوئے غزہ میں خوراک کی رسائی کو بحال کرنے کا مطالبہ کیا اور اسرائیلی پالیسیوں کی مزمت کی۔ 
فرانسیسی صدر بھی اعلان کر چکے ہیں کہ وہ ستمبر میں اقوام متحدہ کی جنرل اسمبلی میں فلسطین کو ایک ریاست کے طور پر با ضابطہ تسلیم کریں گے۔