اٹلس ہونڈا نے پاکستان میں سی جی 150 کی لانچنگ کر دی ، قیمت 4 لاکھ 59 ہزار روپے مقرر

اٹلس ہونڈا نے پاکستان میں 150 سی سی کیٹگری میں اپنی نئی موٹر سائیکل ’سی جی 150‘ متعارف کروا دی ہے۔

یہ موٹر سائیکل ایک روایتی انداز کے ساتھ جدید فیچرز سے لیس ہے اور 150 سی سی سیکشن میں ایک کم قیمت مگر طاقتور آپشن کے طور پر پیش کی گئی ہے۔

اٹلس ہونڈا کی جانب سے ’سی جی 150‘ کی ایکس فیکٹری قیمت 4 لاکھ 59 ہزار 900 روپے مقرر کی گئی ہے۔ اس کا ڈیزائن ’سی جی 125‘ سے مشابہ ہے مگر اس میں ایل ای ڈی ہیڈلائٹس، کروم فینڈرز اور الائے ویلز جیسے نمایاں تبدیلیاں کی گئی ہیں۔

موٹر سائیکل میں نصب انجن ایندھن کی بچت کے ساتھ ساتھ بہتر طاقت اور کارکردگی فراہم کرنے کی صلاحیت رکھتا ہے۔