سینیٹ الیکشن : پیپلزپارٹی نے امیدواروں کے نام فائنل کرلیے

تفصیلات کے مطابق سینیٹ الیکشن کیلئے پیپلز پارٹی کے پارلیمانی بورڈ نے امیدواروں کے ناموں کو حتمی شکل دی جس کی آصف زرداری اور بلاول بھٹو نے منظوری دی۔  پیپلز پارٹی کی جانب سے سینیٹ کی آئندہ مدت کیلئے شیری رحمٰن ،سلیم مانڈوی والا  کے نام فائنل ہوئے ہیں ۔ٹیکنو کریٹ کی مخصوص نشست پر ڈاکٹر کریم خواجہ کو ٹکٹ دینے کا فیصلہ کیا گیا ہے ۔ٹیکنو کریٹ کی مخصوص نشست پر ڈاکٹر کریم خواجہ کو ٹکٹ دینے کا فیصلہ کیا گیا  ہے ۔ خواتین کی مخصوص نشست پر پلوشہ خان کونامزد کرنے کا فیصلہ ہوا ہے جبکہ جنرل نشست کیلئے جام مہتاب ڈاہر اور تاج حیدر کوٹکٹ دیا جائے گا ۔ امیدواروں  کو وزیراعلی ٰ ہاؤس طلب کرلیا گیا ہے جبکہ امیدواروں کے کاغذات کی جانچ پڑتال جاری ہے ۔

یاد رہے کہ ملک بھرمیں سینیٹ انتخابات 3 مارچ کو ہوں گے ، الیکشن کمیشن نے سینیٹ انتخابات کا شیڈول جاری کر دیا۔ الیکشن کمیشن 48 نشستوں پر انتخابات کرائے گا جن میں  اسلام آباد کی2 ، پنجاب کی 11 ، سندھ  11 ، خیبر پختونخواہ سے 12 اور بلوچستان کی 12 نشستیں شامل  ہیں ۔ الیکشن کمیشن کے مطابق چاروں صوبائی اسمبلیاں اور پارلیمنٹ ہاؤس کو پولنگ سٹیشن کا درجہ حاصل ہوگا۔

واضح رہے کہ گزشتہ سینیٹ کے الیکشن بھی 3 مارچ 2018 کو منعقد ہوئے تھے۔