Advertisement
پاکستان

قومی اسمبلی نے 2025 کا لینڈ پورٹ اتھارٹی بل منظور کر لیا

اتھارٹی کا مقصد تجارت اور آزاد مقابلے کو فروغ دینا، سرحدی کنٹرول کو مؤثر بنانا اور پاکستان کے اسٹریٹجک مفادات کا تحفظ کرنا ہوگا،بل

GNN Web Desk
شائع شدہ 6 گھنٹے قبل پر اگست 7 2025، 7:33 شام
ویب ڈیسک کے ذریعے
قومی اسمبلی نے 2025 کا لینڈ پورٹ اتھارٹی بل منظور کر لیا

اسلام آباد:  قومی اسمبلی نے پاکستان کی سرحدی گذرگاہوں پر تجارتی اور مسافروں کی نقل و حرکت کو منظم اور مؤثر بنانے کے لیے پاکستان لینڈ پورٹ اتھارٹی بل 2025 کو منظور کر لیا۔
تفصیلات کے مطابق قومی اسمبلی اجلاس میں یہ بل وزیر مملکت برائے داخلہ طلال چوہدری نے وفاقی وزیر داخلہ محسن نقوی کی جانب سے پیش کیا گیا، جس پر ایوان کی صدرات کر رہے رکن قومی اسمبلی علی زاہد کی ہدایت پر پاکستان پیپلزپارٹی کے سینئر رہنما سید نوید قمر نے قانون میں کم از کم 12 دفعات میں ترامیم پڑھیں۔

نوید قمر نے بتایا کہ ان کی جماعت کی قانون ساز کمیٹی نے بل کا تفصیلی جائزہ لیا اور اسے بہتر بنانے کے لیے متعدد ترامیم تجویز کیں۔ طویل مشاورت اور مذاکرات کے بعد ترامیم کو تسلیم کر کے بل کی منظوری پر اتفاق کیا گیا، ایوان میں ان ترامیم پر الگ الگ ووٹنگ ہوئی جنہیں اکثریت سے منظور کر لیا گیا۔

قومی اسمبلی میں اظہار خیال کرتے ہوئے ان کا کہنا تھا کہ پاکستان میں لینڈ پورٹ اتھارٹی کے قیام کی کوششیں 2012 سے جاری تھیں۔ انہوں نے مزید کہا کہ پیپلزپارٹی کی حکومت نے پہلی بار وزارت تجارت کے تحت یہ اتھارٹی قائم کرنے کی کوشش کی جبکہ بعد ازاں مسلم لیگ (ن) اور پی ٹی آئی کی حکومتوں نے بھی مختلف اوقات میں اس پر غور کیا تاہم کسی حکومت کے دور میں یہ بل پایا تکمیل تک نا پہنچ سکا۔

 بالآخر 2024 کے آخر میں وزیر قانون اعظم نذیر تارڑ نے محسن نقوی کی جانب سے یہ بل پیش کیالیکن اسے کمیٹی کو بھجوانے کی کارروائی نہ ہو سکی، اب طویل تاخیر کے بعد 2025 میں اسے ایوان سے منظوری مل گئی ہے۔

لینڈ پورٹ اتھارٹی بل کے تحت ایک خودمختار اور قانونی ادارے کے طور پر پاکستان لینڈ پورٹ اتھارٹی قائم کی جائے گی، جو زمینی سرحدی گذرگاہوں پر تمام متعلقہ اداروں کے مابین ہم آہنگی کو یقینی بنائے گی۔

اتھارٹی کی نگرانی کے لیے 16 رکنی گورننگ کونسل قائم کرنے کی تجویز دی گئی ہے۔اتھارٹی کا مقصد تجارت اور آزاد مقابلے کو فروغ دینا، سرحدی کنٹرول کو مؤثر بنانا اور پاکستان کے اسٹریٹجک مفادات کا تحفظ کرنا ہوگا۔

سرحدی گذرگاہوں پر غیر قانونی سرگرمیوں کو روکنے کے لیے جدید نگرانی کے نظام، اسکینرز اور امیگریشن سسٹمز نصب 
کیے جائیں گے۔

 اتھارٹی کے قیام سے نہ صرف یہ مسائل کم ہوں گے بلکہ پاکستان کی عالمی سطح پر مسابقت میں بھی بہتری آئے گی۔اب یہ بل سینیٹ میں پیش کیا جائے گا اور منظوری کے بعد صدر مملکت آصف علی زرداری کے دستخط کے ساتھ قانون کی شکل اختیار کر لے گا۔

خیال رہے کہ اس بل کی منظوری کے ساتھ ہی پاکستان، بھارت اور بنگلہ دیش کے بعد جنوبی ایشیا کا تیسرا ملک بن گیا ہے جس کے پاس اپنی لینڈ پورٹ اتھارٹی ہو گی۔

 بنگلہ دیش میں لینڈ پورٹ اتھارٹی 2002 اورجبکہ بھارت میں مارچ 2012 میں بنائی گئی تھی۔

Advertisement
 آئندہ چند دنوں میں روسی صدر پیوٹن اور ٹرمپ کے مابین ملاقات ہوگی ،کریملن  نے تصدیق کر دی

 آئندہ چند دنوں میں روسی صدر پیوٹن اور ٹرمپ کے مابین ملاقات ہوگی ،کریملن  نے تصدیق کر دی

  • 7 گھنٹے قبل
معرکۂ حق اور بنیانِ مرصوص سے جڑے انکشافات پر مبنی کتاب  منظر عام پر آنے کو تیار

معرکۂ حق اور بنیانِ مرصوص سے جڑے انکشافات پر مبنی کتاب منظر عام پر آنے کو تیار

  • 7 گھنٹے قبل
غزہ میں غذائی قلت کی صورتحال سنگین: 28 ہزار سے زائد بچے متاثر، 18 ہزار سے زائد جاں بحق

غزہ میں غذائی قلت کی صورتحال سنگین: 28 ہزار سے زائد بچے متاثر، 18 ہزار سے زائد جاں بحق

  • 5 گھنٹے قبل
پی سی بی  : قومی کرکٹرز کو غیر ملکی لیگز میں شرکت کی اجازت

پی سی بی : قومی کرکٹرز کو غیر ملکی لیگز میں شرکت کی اجازت

  • 6 گھنٹے قبل
وزیراعظم شہباز شریف 31 اگست کو چین روانہ ہوں گے

وزیراعظم شہباز شریف 31 اگست کو چین روانہ ہوں گے

  • 2 گھنٹے قبل
کرکٹر حیدر علی معطل، مانچسٹر میں تحقیقات جاری

کرکٹر حیدر علی معطل، مانچسٹر میں تحقیقات جاری

  • 4 گھنٹے قبل
عمر ایوب کی نااہلی سے متعلق ریفرنس کی سماعت 12 اگست کو مقرر

عمر ایوب کی نااہلی سے متعلق ریفرنس کی سماعت 12 اگست کو مقرر

  • 2 گھنٹے قبل
ایف بی آر میں بڑے پیمانے پر تقرریاں و تبادلے، لینڈ ریونیو کے 90 سے زائد افسران   تبدیل

ایف بی آر میں بڑے پیمانے پر تقرریاں و تبادلے، لینڈ ریونیو کے 90 سے زائد افسران تبدیل

  • 2 گھنٹے قبل
پنجاب حکومت کا صوبے میں   صفائی فیس نافذ کرنے فیصلہ

پنجاب حکومت کا صوبے میں صفائی فیس نافذ کرنے فیصلہ

  • 3 گھنٹے قبل
پنجاب میں سکول کی چھٹیوں میں مزید اضافہ کر دیا گیا

پنجاب میں سکول کی چھٹیوں میں مزید اضافہ کر دیا گیا

  • 6 گھنٹے قبل
اسٹیٹ بینک کے زرمبادلہ ذخائر میں سات کروڑ ڈالر سے زائد کی کمی

اسٹیٹ بینک کے زرمبادلہ ذخائر میں سات کروڑ ڈالر سے زائد کی کمی

  • 4 گھنٹے قبل
پاکستان ویمن فٹبال ٹیم کی عالمی درجہ بندی میں بہتری، پوائنٹس پہلی بار 1000 سے متجاوز

پاکستان ویمن فٹبال ٹیم کی عالمی درجہ بندی میں بہتری، پوائنٹس پہلی بار 1000 سے متجاوز

  • 3 گھنٹے قبل
Advertisement