عراقی سیکیورٹی فورسز کے مطابق کلورین گیس کا اخراج نجف اور کربلا کے درمیان ایک واٹر اسٹیشن سے ہوا، جو زائرین کے راستے پر واقع ہے


عراق کے مقدس شہروں نجف اور کربلا کے درمیان قائم ایک واٹر ٹریٹمنٹ اسٹیشن سے کلورین گیس کے اخراج کے باعث 600 سے زائد زائرین کی حالت غیر ہو گئی۔
واقعہ ہفتے اور اتوار کی درمیانی شب پیش آیا، جب زائرین اربعین کے موقع پر کربلا کی جانب رواں دواں تھے۔ عراق کی وزارتِ صحت نے تصدیق کی ہے کہ سانس لینے میں دشواری کے باعث 621 افراد کو ہسپتال منتقل کیا گیا، جہاں انہیں فوری طبی امداد فراہم کی گئی اور بعد ازاں تمام مریض صحت یاب ہو کر ہسپتال سے روانہ ہو گئے۔
عراقی سیکیورٹی فورسز کے مطابق کلورین گیس کا اخراج نجف اور کربلا کے درمیان ایک واٹر اسٹیشن سے ہوا، جو زائرین کے راستے پر واقع ہے۔ یہ حادثہ ایسے وقت پیش آیا جب توقع ہے کہ لاکھوں اہل تشیع زائرین کربلا پہنچیں گے تاکہ اربعین منائی جا سکے—وہ دن جو امام حسینؓ کی شہادت کے 40 روز بعد منایا جاتا ہے اور جس میں ان کے بھائی حضرت عباسؓ کی قربانی کو بھی یاد کیا جاتا ہے۔
عراق میں دہائیوں پر محیط تنازعات، بدعنوانی اور انفراسٹرکچر کی خرابی کی وجہ سے حفاظتی انتظامات اکثر ناکافی ہوتے ہیں۔
یاد رہے کہ رواں سال جولائی میں مشرقی شہر کوت کے ایک شاپنگ مال میں لگنے والی آگ کے نتیجے میں 60 سے زائد افراد ہلاک ہو گئے تھے، جن میں سے بیشتر دم گھٹنے سے جان کی بازی ہار گئے تھے۔ کلورین گیس کے حالیہ واقعے نے ایک بار پھر بنیادی ڈھانچے کی کمزوری اور حفاظتی اقدامات کی کمی کو نمایاں کر دیا ہے، خاص طور پر ایسے مواقع پر جب لاکھوں افراد ایک ہی مقام کی جانب سفر کر رہے ہوتے ہیں۔

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 دن قبل
پہلے ایل پی جی اوراب بجلی بم گرا دیا گیا
- 10 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 10 دن قبل

پیٹرول اور ڈیزل کی قیمتوں میں کمی کا اعلان
- 12 دن قبل








