ادارہ شماریات نےہفتہ وار مہنگائی کے اعدادوشمار جاری کردیے

تفصیلات کے مطابق ادارہ شماریات کاکہنا ہے کہ ایک ہفتے میں مہنگائی میں0.41 فیصد کا اضافہ ریکارڈ کیاگیا، جبکہ ایک ہفتے میں 23 اشیائے ضروریہ کی قیمتوں میں اضافہ ہوا، 7اشیاء کی قیمتوں میں کمی اور 21 اشیاء کی قیمتوں میں استحکام رہا۔ادارہ شماریات کے مطابق گھریلو ایل پی جی سلنڈر کی قیمت میں 102 روپے سے زائد کا اضافہ ہوا، ایک ہفتےمیں 5 لٹر برانڈڈ خوردنی تیل کی قیمت 61 روپے 34 پیسے بڑھی، ایک ہفتے میں  ٹماٹر کی فی کلو قیمت میں 5 روپے 8 پیسے کا اضافہ ہوا۔ایک ہفتے میں پیاز 2 روپے 92 پیسے، لہسن فی کلو 6 روپے 5 پیسے مہنگا ہوا ہے ۔

 ادارہ شماریات کا کہنا ہے کہ 20 کلو آٹے کا تھیلا بھی 5 روپے 28 پیسے مہنگا ہوا، مٹن، بیف، انڈے، دہی، خشک دودھ، چاول، ماچس بھی مہنگی  ہوئی ہے ۔  ایک ہفتےمیں کیلا7 روپے 27 پیسے سستا ہوا ہے ۔ زندہ مرغی فی کلو مرغی 6 روپے 66 پیسے،دال مونگ 1 روپے فی کلو سستی ہوئی ہے ۔