معرکۂ حق اور یومِ آزادی کے موقع پر آئی ایس پی آر کا نیا ملی نغمہ "پاکستان ہمیشہ زندہ باد" جاری

اسلام آباد: معرکۂ حق اور یوم آزادی کے موقع پر پاک فوج کے شعبہ تعلقات عامہ ( آئی ایس پی آر) نے نیا ملی نغمہ ’’پاکستان ہمیشہ زندہ باد‘‘ ریلیز کر دیا گیاجسے معروف گلوکار راحت فتح علی خان نے گایا ہے۔

 یہ نغمہ وطن سے محبت، قربانیوں اور حب الوطنی کے عزم کو خراجِ تحسین پیش کرتا ہے۔ملی نغمے میں شہدا کی لازوال قربانیوں کو بھر پور خراج عقیدت پیش کیا گیا، ساتھ ہی یہ عزم بھی دہرایا گیا کہ خون کے آخری قطرے تک وطن کے لیے قربانیاں دینے سے گریز نہیں کیا جائے گا۔ راحت فتح علی خان کی پُراثر آواز میں گایا گیا یہ نغمہ قوم کی بہادری اور شہداء کی قربانیوں کی شاندار داستان بیان کرتا ہے۔

 اس میں پاکستان کی عظمت، عوام کے اتحاد اور وطن کے وقار کو خوبصورتی سے اجاگر کرتے ہوئے بہادری اور قربانی کا دلکش امتزاج پیش کیا گیا ہے۔

یوم آزادی کے موقع پر جاری ہونے والا یہ ملی نغمہ قربانی، حب الوطنی اور تجدید عہد وفا کا پیکر قرار دیا جا رہا ہے۔