پیٹرولیم ایکٹ ترمیمی بل قومی اسمبلی سے منظور،اسمگلنگ پر 10 لاکھ روپے جرمانہ ہو گا

اسلام آباد: پیٹرولیم ایکٹ ترمیمی بل 2025 قومی اسمبلی نے کثرت رائے سے منظور کرلیا۔

بل کے تحت کے پیٹرولیم مصنوعات کی اسمگلنگ پر 10 لاکھ روپے جرمانہ ہوگا،دوسری مرتبہ جرم کے ارتکاب پر 50 لاکھ روپے جرمانہ عائد کیا جائے گا۔

بل کے مطابق پیٹرولیم مصنوعات کی ذخیرہ اندوزی اور بغیر لائسنس کام کرنے پر متعلقہ جگہ کو سیل کیا جائے گا،جبکہ پیٹرولیم مصنوعات کی غیر قانونی فروخت پر مشینری، آلات، ٹینک اور کنٹینرز ضبط ہونگے۔

بل کی شقوں میں واضح کیا گیا ہے کہ پہلی بار جرم کے ارتکاب پر 10 لاکھ روپے جرمانہ ہوگا، جبکہ دوسری بار جرم ثابت ہونے پر جرمانے کی رقم 50 لاکھ روپے تک بڑھا دی جائے گی۔

بل کے تحت متعلقہ اسسٹنٹ کمشنرز ڈی سی کی ہدایات پر کارروائی کرنے کے مجاز ہونگے،جبکہ بغیر لائسنس فروخت اور پیٹرولیم مصنوعات کی ذخیرہ اندوزی پر ایک کروڑ روپے جرمانہ ہوگا۔

ترمیمی بل کے تحت پیٹرولیم مصنوعات کی ذخیرہ اندوزی کے لیے لائسنس لینا لازمی ہوگا۔

اسی طرح لائسنس کی تجدید کے بغیر پیٹرولیم مرکز بند اور آلات و مشینری قبضے میں لیے جائینگے،جبکہ لائسنس کی تجدید کے بغیر پیٹرولیم مصنوعات کو ذخیرہ کرنے پر 10 لاکھ روپے جرمانہ ہوگا۔

بل کے تحت سیل شدہ آلات اور سامان کے استعمال پر 10 کروڑ روپے جرمانہ اور لائسنس منسوخ ہوگا،ضبط شدہ آلات کی کسٹم ایکٹ کے تحت نیلامی ہوگی۔