Advertisement
پاکستان

سیلاب متاثرین کو نئے گھر اور محفوظ بستیاں دیں گے، نقصان کا 100 فیصد ازالہ کریں گے: علی امین گنڈاپور

سیلاب سے متاثرہ علاقوں کے دورے کے بعد سوات میں میڈیا سے گفتگو کرتے ہوئے وزیراعلیٰ نے کہا کہ "جس شہری کا جتنا نقصان ہوا ہے

GNN Web Desk
شائع شدہ ایک سال قبل پر اگست 17 2025، 9:42 شام
ویب ڈیسک کے ذریعے
سیلاب متاثرین کو نئے گھر اور محفوظ بستیاں دیں گے، نقصان کا 100 فیصد ازالہ کریں گے: علی امین گنڈاپور

وزیراعلیٰ خیبر پختونخوا علی امین گنڈاپور نے اعلان کیا ہے کہ سیلاب متاثرین کے لیے گھروں کی دوبارہ تعمیر کی جائے گی اور آبی گزرگاہوں پر قائم آبادیوں کو محفوظ مقامات پر منتقل کر کے نئی بستیاں بسائی جائیں گی۔

سیلاب سے متاثرہ علاقوں کے دورے کے بعد سوات میں میڈیا سے گفتگو کرتے ہوئے وزیراعلیٰ نے کہا کہ "جس شہری کا جتنا نقصان ہوا ہے، حکومت اس کا مکمل ازالہ کرے گی۔ ہم سیلاب سے ہونے والی تباہی کا 100 فیصد مقابلہ کریں گے۔"

انہوں نے بتایا کہ وزیراعظم سمیت تمام وزرائے اعلیٰ نے خیبر پختونخوا حکومت سے رابطہ کرکے تعاون کی پیشکش کی ہے، تاہم ان کا کہنا تھا کہ "وفاقی حکومت اگر مدد کرے گی تو یہ احسان نہیں بلکہ اس کی آئینی ذمہ داری ہوگی۔"

فوجی تعاون اور ریلیف اقدامات

وزیراعلیٰ نے بتایا کہ پاک فوج ریلیف سرگرمیوں میں مکمل معاونت فراہم کر رہی ہے اور ان کی جانب سے دو مزید ہیلی کاپٹرز صوبائی حکومت کو فراہم کیے گئے ہیں۔

ان کا کہنا تھا کہ حکومت پہلے مرحلے میں عوام کے مالی نقصانات کا ازالہ کرے گی، بعد ازاں سرکاری املاک کی بحالی کی جانب توجہ دی جائے گی۔

علی امین گنڈاپور نے واضح کیا کہ برسوں سے لوگ ندی نالوں کے قدرتی بہاؤ پر گھروں اور دکانوں کی تعمیر کرتے آ رہے ہیں، جب پانی کو راستہ نہ ملے تو وہ تباہی کا باعث بنتا ہے۔

انہوں نے انکشاف کیا کہ "بونیر میں ندی کے وسط میں تعمیر کردہ ایک مارکیٹ کو ہٹانے کی کوشش کی گئی تھی لیکن عدالت سے حکم امتناع حاصل کرلیا گیا، اگر یہ مارکیٹ ہٹ جاتی تو شاید اتنا نقصان نہ ہوتا۔"

انہوں نے کہا کہ "وارننگ دینے کے باوجود لوگ عدالتوں سے رجوع کرتے ہیں، سوال یہ ہے کہ تجاوزات کرکے کیا واقعی رزقِ حلال کمایا جا رہا ہے؟"

انہوں نے مزید کہا کہ قابضین کو سزا بھی دی جائے گی، مگر یہ کوئی مستقل حل نہیں، ہمیں تجاوزات کی روک تھام کے لیے پائیدار اقدامات کرنے ہوں گے۔

دوسری جانب، سیدو شریف میں سیلاب متاثرین نے وزیراعلیٰ کے دورے کے موقع پر احتجاج کرتے ہوئے سیدو شریف روڈ کو بند کر دیا۔ مظاہرین کا کہنا تھا کہ حکومتی امداد تین روز گزرنے کے باوجود تاحال نہیں پہنچی۔

یاد رہے کہ حالیہ بارشوں، کلاؤڈ برسٹ اور سیلابی ریلوں سے خیبر پختونخوا میں اب تک 328 افراد جاں بحق ہو چکے ہیں۔ سب سے زیادہ متاثرہ ضلع بونیر ہے، جہاں 200 سے زائد افراد جاں بحق، درجنوں زخمی اور متعدد مکانات اور مال مویشی سیلاب کی نذر ہو چکے ہیں۔

Advertisement
پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

  • 10 دن قبل
راولپنڈی: گھر سے خاتون اینکر ربیعہ احسن کی گولی لگی لاش برآمد

راولپنڈی: گھر سے خاتون اینکر ربیعہ احسن کی گولی لگی لاش برآمد

  • 10 دن قبل
پہلے ایل پی جی اوراب بجلی بم گرا دیا گیا

پہلے ایل پی جی اوراب بجلی بم گرا دیا گیا

  • 11 دن قبل
پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

  • 12 دن قبل
نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

  • 11 دن قبل
پولیس افسران کی ترقیوں کے خلاف پنجاب حکومت کی اپیلیں خارج

پولیس افسران کی ترقیوں کے خلاف پنجاب حکومت کی اپیلیں خارج

  • 11 دن قبل
انڈر 19 ایشیا کپ: پاکستان نے بھارت کو 3 وکٹ سے شکست دے دی

انڈر 19 ایشیا کپ: پاکستان نے بھارت کو 3 وکٹ سے شکست دے دی

  • 10 دن قبل
پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

  • 11 دن قبل
وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

  • 10 دن قبل
پشاور میں نادرا کا اسسٹنٹ ڈائریکٹر فائرنگ سے جاں بحق

پشاور میں نادرا کا اسسٹنٹ ڈائریکٹر فائرنگ سے جاں بحق

  • 12 دن قبل
ڈی جی آئی ایس پی آر کی لاہور کی جامعات آمد، طلبہ سے خصوصی نشستیں

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں

  • 11 دن قبل
پیٹرول اور ڈیزل کی قیمتوں میں کمی کا اعلان

پیٹرول اور ڈیزل کی قیمتوں میں کمی کا اعلان

  • 13 دن قبل
رجحانات
Advertisement