خیرپور اور لودھراں میں ٹرین حادثات: دو بچے جاں بحق، ایک مسافر ہلاک، درجنوں زخمی

خیرپور کے نواحی علاقے میں ٹرین کی زد میں آکر کم عمر بہن بھائی جان کی بازی ہار گئے۔

حادثے کا شکار ہونے والوں میں 10 سالہ فاطمہ اور 13 سالہ محمد حسن شامل ہیں۔ یہ افسوسناک واقعہ اس وقت پیش آیا جب دونوں بچے ریلوے ٹریک عبور کر رہے تھے۔

پولیس حکام کے مطابق دونوں بچوں کی لاشیں مقامی اسپتال منتقل کر دی گئی ہیں۔

دوسری جانب، آج لودھراں ریلوے اسٹیشن کے قریب عوامی ایکسپریس بھی حادثے کا شکار ہو گئی، جس کے نتیجے میں ٹرین کی چار بوگیاں پٹڑی سے اتر گئیں۔ حادثے میں ایک مسافر جاں بحق جبکہ 33 افراد زخمی ہو گئے۔

وزیر ریلوے حنیف عباسی نے واقعے کی انکوائری کا حکم دیتے ہوئے سات روز میں رپورٹ پیش کرنے کی ہدایت کی ہے۔