وزیر ریلوے کے مسافروں کو سہولیات کی فراہمی کے احکامات کو لاہور انتظامیہ نے ہوا میں اڑا دیا

لاہور: لاہور ریلوے اسٹیشن کی انتظامیہ نے وفاقی وزیر برائے ریلوے حنیف عباسی کے مسافروں کو سہولیات کی فراہمی کے احکامات ہوا میں اڑا دیا۔

تفصیلات کے مطابق وفاقی وزیر ریلوے کی واضح احکامات کے باوجوو بھی ریلوے اسٹیشن کی انتظامیہ مسافروںکو سہولیات کی فراہمی میں ناکام ہو گئی جس سے مسافروں کو شید ید مشکلات کا سامنا ہے۔

  تاریخی لاہور ریلوے اسٹیشن پر نارووال، سیالکوٹ سیکشن کے ٹکٹ گھر پرانی عمارت میں ہونے سے مسافروں کو شدید مشکلات کا سامنا ہے۔ ٹکٹ گھر اسٹیشن سے دور ہونے کی وجہ سے اکثر  مسافروں کی ٹرین چھوٹ جاتی ہے کیونکہ ان کو ٹکٹ کے حاصل کرنےکے لیے کافی فاصلہ پیدل طے کرنا پڑتا ہے جوکہ خواتین ،بچوں اور بزرگوں کے لیے باعث تکلیف ہے۔ 

علاوہ ازاں بکنگ کلرک انتہائی سست رفتاری سے ٹکٹیں دیتا ہے جس سے خواتین،اور بزرگوںکو لمبی قطاروں میں کھڑے ہو کر کافی انتظار کرنا  پڑتا ہے۔

 دوسری جانب پرانی عمارت میں CCTV کیمرہ کی سہولیات نہ ہونے کی وجہ سے مسافروں کو سیکیورٹی کا بھی مسئلہ ہوتا ہے اور اکثر مسافروں کا سامان چورہ ہوجاتا ہے۔

جس پرمسافروں نے شدید احتجاج کرتے ہوئے وفاقی وزیر ریلوے حنیف عباسی سے اپیل کی ہے کہ وہ انتظامیہ کو نارووال، سیالکوٹ ٹکٹ سیکشن کو لاہور اسٹیشن پر "کرنٹ ریزرویشن آفس" میں شفٹ کیا جائے تاکہ مسافروں کو آسانی فراہم ہوسکے۔