افغان سفیر کی بیٹی کا اغواء، واقعے میں ملوث افراد کو جلد گرفتار کرلیا جائےگا : شیخ رشید

وفاقی وزیر داخلہ شیخ رشید نے کہا ہے کہ  افغان سفیر کی بیٹی اغواء کرکے اور پھر چھوڑ دینے کے حوالے سے تحقیقات جاری ہیں   اور اس واقعے میں ملوث افراد کو جلد گرفتار کر لیا جائے گا۔افغان سفیر کی بیٹی سلسلہ عل خیل کی تحریری درخواست پر کل رات مقدمہ درج کرلیا گیا ہے۔

شیخ رشید کا کہنا ہے کہ  وزیراعظم عمران خان نے اس واقعے میں ملوث افراد  کو  جلد گرفتارکرنے کیلئے  واضح ہدایات جاری کی ہیں۔  بھارتی ذرائع ابلاغ نے پاکستان کے خلاف پروپیگنڈا کرتے ہوئے اس واقعے کو بین الاقوامی برادری کوگمراہ کرنے کے لئے استعمال کیا۔ان کا کہنا تھا کہ  تحقیقات مکمل ہونے کے بعد میڈیا کو نتائج سے آگاہ کردیا جائے گا۔

وزیر داخلہ  نے مزید کہا کہ  داسو واقعہ سے متعلق  پاکستانی اور چینی ادارے مشترکہ تحقیقات کررہے ہیں۔ حال ہی میں پندرہ رکنی چینی ٹیم نے واقعے کی جگہ کا دورہ کیا اور پاکستانی اداروں کے کو سراہا ہے۔