شہریوں کے لیے اچھی خبر،بجلی کی فی یونٹ قیمت میں نمایاں کمی کا امکان

اسلام آباد :شہریوں کے لیے اچھی خبر سامنے آئی ہے ملک بھر کے صارفین کیلئے بجلی سستی ہونے کا امکان ہے۔

تفصیلات کے مطابق چیئرمین نیپرا وسیم مختار کی زیرصدارت جولائی کی فیول پرائس ایڈجسٹمنٹ کے لیے سماعت ہوئی۔

نیپرا اتھارٹی نے سی پی پی اے کی درخواست پر سماعت مکمل کر لی نیپرا اعداد و شمار کا جائزہ لے کر نوٹیفکیشن کی صورت میں فیصلہ جاری کرے گا۔

ذرائع کا کہنا ہےکہ ملک بھر کے صارفین کیلئے بجلی ایک روپے 69 پیسے سستی ہونے کا امکان ظاہر کیا جارہا ہے۔

ذرائع کے مطابق نیپرا اعدادوشمار کا جائزہ لے کر نوٹیفکیشن کی صورت میں فیصلہ جاری کرے گا۔

ذرائع کے مطابق قیمتوں میں کمی کا اطلاق کے الیکٹرک سمیت ملک بھر کے صارفین پر ہو گا، قیمتوں میں کمی کے اطلاق سےستمبر کے بلوں پر  23 ارب روپے تک ریلیف ملے گا۔