افغان اسپنرز راشد خان کےبڑے بھائی کے انتقال پر قومی کھلاڑیوں کا اظہار تعزیت 

شارجہ: افغانستان ٹی ٹوئنٹی ٹیم کے کپتان راشد خان کے بڑے بھائی کے انتقال پر قومی ٹیم کے کھلاڑیوں نے ان سےملاقات کی اور اظہار تعزیت کیا۔

تفصیلات کے مطابق پاکستان کرکٹ بورڈ (پی سی بی) کی جانب سے ایک ویڈیو شیئر کی گئی ہے جس میں قومی ٹیم کے کھلاڑیوں اور مینجمنٹ کو افغانستان کی ٹی ٹوئنٹی ٹیم کے کپتان راشد خان سے اظہار تعزیت کرتے دیکھا گیا۔

پی سی بی کی جانب سے جاری ویڈیو کے کیپشن میں لکھا ہے قومی ٹیم نے راشد خان سے ملاقات کی، قومی ٹیم کے کھلاڑیوں نے راشد خان سے ان کے بھائی کے انتقال پر اظہار تعزیت کیا اور فاتحہ خوانی بھی کی۔

Pakistan team meets Rashid Khan to offer condolences on the passing of his brother.#PAKvAFG pic.twitter.com/zh95IrzbUu

— Pakistan Cricket (@TheRealPCB) August 30, 2025

خیال رہےکہ چند روز قبل افغان آل راؤنڈر راشد خان کے بڑے بھائی حاجی عبدالحلیم شنواری انتقال کر گئے تھے۔

یاد رہے کہ پاکستان اور افغانستان کی ٹیمیں سہ فریقی ٹی ٹوئنٹی سیریز میں شرکت کے لیے متحدہ عرب امارات میں موجود ہیں اور گزشتہ روز دونوں ٹیموں کے درمیان ٹورنامنٹ کا افتتاحی میچ کھیلا گیا تھا جس میں پاکستان نے افغانستان کو 39 رنز سے شکست دی تھی۔