لوگ چھوٹے قد کا طعنہ دیتے تھے :فہد شیخ

تفصیلات کے مطابق نجی ٹی وی چینل کے ایک پروگرام میں ادکار فہد شیخ نے اداکارہ یشمیٰ گِل کے ہمراہ شرکت کی ہے  ، میزبان کے سوالوں کا جواب دیتے ہوئے انہوں نے اپنے کیرئیر میں پیش آنے والی مشکلات سمیت انڈسٹری کے پسندیدہ اداکاروں سے متعلق بھی  گفتگو کی ہے ۔

میزبان نے ادکار سے سوال کیا کہ وہ پانچ جملے کون سے ہیں جو کیرئیر کے آغاز میں لوگوں سے سنتے تو آپ کا دِل ٹوٹ جاتا تھا اس پر فہد نے جواب دیا کہ لوگ کہتے تھے اس کا قد چھوٹا ہے، اس کا منہ گول ہے، اردو خراب ہے، متکبر ہے۔

ایک سوال کے جواب میں فہد شیخ نے کہا کہ شروع میں جب پروڈیوسرز کو فون کرتا تھا تو وہ کہہ دیتے تھے کہ ایک ماہ بعد فون کرنا، میں ایک مہینے کے بعد کرتا تو پھر یہ ہی جواب ملتا، اب وہ مجھے فون کرتے ہیں تو میں نہیں اٹھاتا۔

اداکار کا مزید کہنا تھا کہ لوگ یہ بھی کہا کرتے تھے اور آج بھی کہتے ہیں کہ یہ کبھی اداکار نہیں بن سکے گا۔