وزیراعلیٰ مریم نواز کا آبی گزر گاہوں سے تجاوزات، آبادیاں ختم کرنے کا فیصلہ،جامع پلان طلب
فلڈ اور دیگر آفات سے بچاؤ کیلئے ایک ماسٹر پلان کی اشد ضرورت ہے تاکہ ہر سال سیلاب کی وجہ سے ہونے والے نقصانات کو کم کیا جا سکے،مریم نواز


لاہور: وزیر اعلی پنجاب مریم نواز شریف نے دریاؤں اور آبی گزرگاہوں پر موجود تجاوزات اور آبادیوں کو ختم کرنے کے حوالے سے جامع اور تفصیلی پلان طلب کر لیا۔
تفصیلات کے مطابق وزیراعلیٰ مریم نواز شریف کی صدارت میں طویل اجلاس ہوا جس میں اربن یونٹ، بورڈ آف ریونیو اور دیگر اہم ڈیپارٹمنٹس کو بحالی پیکیج کیلئے فوری اقدامات کی ہدایت دی گئی۔
دوران اجلاس وزیراعلیٰ نے متاثرین کے مسائل پر ہمدردانہ غور کرنے کا حکم دیتے ہوئے کہا کہ بحالی پیکیج میں امدادی رقوم کو بڑھایا جائے تاکہ متاثرین کی فوری مدد ممکن ہو سکے، انہوں نے سیلاب متاثرہ کاشتکاروں کیلئے ایک خصوصی بحالی پروگرام ترتیب دینے کی بھی ہدایت کی۔
اجلاس میں سروے کے لیے شفاف ترین طریقہ کار وضح کرنے کی ہدایت کی گئی جب کہ ڈیجیٹل رکارڈنگ بھی ہوگی جس کے لیے اعلیٰ سطح کمیٹی قائم کردی گئی ہے،جبکہ اجلاس میں سیلاب متاثرہ کاشتکاروں کے لئے بھی بحالی پروگرام وضح کرنے کا حکم دیا۔
وزیراعلیٰ نے اعلان کیا کہ وہ سیلاب متاثرین کی جلد بحالی کیلئے پیکیج کا خود اعلان کریں گی، گھر تباہ ہونے کی وجہ سے فوری طور پر واپس نہ جانے والے خاندانوں کیلئے ہر ضلع میں عارضی مارکی لگائی جائے گی تاکہ وہ سردی کی آمد سے قبل کسی محفوظ جگہ منتقل ہو سکیں، ان مارکیز میں مرد و خواتین کیلئے الگ الگ جگہیں مختص کی جائیں گی اور وہاں صاف پانی، کھانا اور دیگر ضروری سہولتیں فراہم کی جائیں گی۔
مریم نواز شریف نے سیلاب متاثرین کے گھروں کی بحالی کیلئے "اپنی چھت، اپنا گھر" پروگرام شامل کرنے کا فیصلہ کیا تاکہ متاثرین کی زندگیوں میں جلد بہتری لائی جا سکے، سیلاب متاثرین کے گھروں کی بحالی تک وہ چین سے نہیں بیٹھیں گی اور ان کیلئے ہر ممکن مدد فراہم کی جائے گی۔
علاوہ ازاں دوران اجلاس مریم نواز شریف نے آبی گزرگاہوں سے تجاوزات اور آبادیاں ختم کرنے کا فیصلہ کیا اور کہا کہ دریاؤں اور ندی نالوں کی آبی گزرگاہوں کو ریڈ زون قرار دیا جائے گا تاکہ آئندہ کے سیلابوں سے بچاؤ ممکن ہو سکے۔
مریم نواز نے مزید کہا کہ فلڈ اور دیگر آفات سے بچاؤ کیلئے ایک ماسٹر پلان کی اشد ضرورت ہے تاکہ ہر سال سیلاب کی وجہ سے ہونے والے نقصانات کو کم کیا جا سکے، طویل المدتی اور قلیل المدتی پائیدار پالیسیوں کی ضرورت ہے تاکہ مستقبل میں ایسی آفات سے بچا جا سکے۔
مریم نواز شریف نے کہا کہ لوگوں کے گھر اجڑ گئے، ہم سکون سے کیسے بیٹھ سکتے ہیں؟ سیلاب متاثرین کی بہت ساری توقعات مجھ سے وابستہ ہیں، ان توقعات پر پورا اترنا میرا اعزاز اور ذمہ داری ہے، پنجاب حکومت کی طرف سے سیلاب متاثرین کی جلد بحالی کیلئے متعدد اقدامات کئے جائیں گے تاکہ متاثرہ افراد کی زندگیوں میں جلد بہتری آئے۔

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- 2 days ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

پیٹرول اور ڈیزل کی نئی قیمتوں کا اعلان
- 2 days ago

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago

پاکستان میں فی تولہ سونا ہزاروں روپے سستا ہوگیا
- a day ago

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago




