ایشیا کپ: سری لنکا کا ہانگ کانگ کے خلاف ٹاس جیت کر فیلڈنگ کا فیصلہ

دبئی: ایشیا کپ گروب بی کے میچ میں سری لنکا نے ہانگ کانگ کے خلاف ٹاس جیت کر پہلے فیلڈنگ کرنے کا فیصلہ کیا ہے۔

تفصیلات کے مطابق دبئی انٹر نیشنل کرکٹ اسٹیڈیم میں ایشیا کپ کے آٹھویں میچ میں سری لنکا نے ہانگ کانگ کے خلاف ٹاس جیت کر پہلے باؤلنگ کرنے کا فیصلہ کیا ہے۔

 اس موقع پر سری لنکا کے کپتان اسالنکا نے کہا ہے یہ ایک اچھی پچ ہے، اور ہم ہانگ کانگ کو کم اسکور تک محدود کر کے ہدف کا تعاقب کریں گے۔

ان کا مزید کہنا تھا کہ ہم اب تک کی کارکردگی سے خوش ہیں اوراس جیت کے سلسلے کو برقرار رکھنے کی کوشش کریں گے۔ 

پلیئنگ الیون

ہانگ کانگ:  ذیشان علی (وکٹ کیپر)، انشومان رتھ، بابر حیات، نزاکت خان، شاہد واصف، کنچت شاہ، یاسم مرتضیٰ (کپتان)، اعزاز خان، ایوش شکلا، عتیق اقبال، احسان خان

سری لنکا:  پاتھم نسانکا، کوسل مینڈس (وکٹ کیپر)، کامل مشرا، کوسل پریرا، چارتھ اسالنکا (کپتان)، کامندو مینڈس، داسن شاناکا، وینندو ہسرنگا، مہیش تھیکشانا، دشمنتھا چمیرا، نووان تھشارا

خیال  رہے کہ سری لنکا اور ہانگ کانگ اس سے قبل کبھی بھی  ٹی 20  میں آمنے سامنے نہیں آئے اور آج دونوں ٹیموں کے مابین پہلا میچ کھیلا جا رہا ہے۔