Advertisement
پاکستان

پی آئی اے نے ٹورنٹو کے لیے پروازیں دوبارہ شروع کر دیں

پی آئی اے کے ترجمان کے مطابق، کراچی سے ٹورنٹو جانے والی پرواز PK-783 آج روانہ ہو رہی ہے، جس سے قومی ایئرلائن کی کینیڈا کے لیے براہِ راست سروس بحال ہو گئی ہے

GNN Web Desk
شائع شدہ ایک سال قبل پر ستمبر 30 2025، 12:06 صبح
ویب ڈیسک کے ذریعے
پی آئی اے نے ٹورنٹو کے لیے پروازیں دوبارہ شروع کر دیں

قومی ایئرلائن پاکستان انٹرنیشنل ایئرلائن (پی آئی اے) نے آج سے کینیڈا کے شہر ٹورنٹو کے لیے اپنی پروازیں دوبارہ بحال کر دی ہیں۔

پی آئی اے کے ترجمان کے مطابق، کراچی سے ٹورنٹو جانے والی پرواز PK-783 آج روانہ ہو رہی ہے، جس سے قومی ایئرلائن کی کینیڈا کے لیے براہِ راست سروس بحال ہو گئی ہے۔

یاد رہے کہ پی آئی اے نے 13 سے 28 ستمبر کے درمیان ٹورنٹو کے لیے تمام پروازیں عارضی طور پر معطل کر دی تھیں۔ اس فیصلے کی وجہ طیاروں کی کمی اور فاضل پرزہ جات کی عدم فراہمی بتائی گئی تھی۔

ذرائع کے مطابق، پی آئی اے عام طور پر ٹورنٹو روٹ پر بوئنگ 777-200 ایل آر (لانگ رینج) طیارے استعمال کرتی ہے، لیکن اس وقت دونوں ایل آر طیارے گراؤنڈ ہیں۔ ان میں سے ایک طیارے کے لینڈنگ گیئر کی تبدیلی درکار ہے، جبکہ مطلوبہ ٹولز کی عدم دستیابی کے باعث یہ عمل مکمل نہیں ہو سکا۔

نتیجتاً، اب پی آئی اے یہ روٹ بوئنگ 777-300 ای آر طیارے کے ذریعے آپریٹ کرے گی۔

اس موقع پر پی آئی اے نے مسافروں کے لیے 15 فیصد خصوصی رعایت کا بھی اعلان کیا ہے۔
یہ رعایتی کرایے 10 اکتوبر تک دستیاب ہوں گے، جبکہ ان پر 30 ستمبر سے 19 دسمبر کے درمیان سفر کیا جا سکے گا۔

Advertisement
رجحانات
Advertisement