مدھر آواز، ہر گیت بے مثال، نامورگلوکار مسعود رانا کو مداحوں سے بچھڑے 30 برس بیت گئے
ان کے گائے ہوئے گانے اداکار ندیم، محمد علی، وحیدمراد، غلام محی الدین سمیت پاکستان کے تمام بڑے اداکاروں پر فلمبند ہوئے۔


ویب ڈیسک: مدھر آواز، ہر گیت بے مثال،پاکستان فلم انڈسٹری کے معروف پلے بیک گلوکارمسعود رانا کو مداحوں سے بچھڑے 30 برس بیت گئے،مگر ان کے گائے ہوئے گانے ہمیشہ فضاؤں میں گونجتے رہیں گے۔
پاکستان کے محمد رفیع کہلائے جانے والے گلوکار مسعود رانا 9 جون 1938ء کو میرپورخاص کے ایک زمیندار کے گھر پیدا ہوئے،انہوںنے اپنےفنی سفرکاآغاز ریڈیوپاکستان سے کیااوراپنے طویل گائیکی کیریئر کے دوران بے شمار سُپر ہٹ فلمی گانے گائے جن میں ”ٹانگے والا خیرمنگدا“نے مقبولیت کی بلندیوں کوچھوا۔
ان کے مقبول گانوں کی ایک طویل فہرست ہے جن میں فلم”آئینہ“کا گانا ”تم ہی ہو محبوب میرے میں کیوں نہ تم سے پیار کروں“ فلم”بدنام“کا گانا”کوئی ساتھ دے کہ نہ ساتھ دے یہ سفر اکیلے ہی کاٹ لے“، فلم ”چاند اور چاندنی“کا گانا ”تیری یاد آگئی غم خوشی میں ڈھل گئے“سمیت دیگر شامل ہیں۔
ان کے گانے ”ٹانگے والا خیر منگدا“کی گونج گلی گلی سنائی دیتی تھی تو دوسری طرف”تیرے بنا یوں گھڑیاں بیتیں“نے دھوم مچا رکھی تھی۔فلم ”ہمراہی“ کے تمام نغمات بے حد مقبول ہوئے اور مسعود رانا ان گیتوں میں فن کی بلندیوں کو چھوتے نظر آئے۔
اس کے علاوہ”جھوم اے دل میرا جان بہار آیا ہے،رکھ دیا قدموں پہ دل نذرانہ،یہ وعدہ کرو کہ محبت کریں گے،عاشقاں توں سوہنا مکھڑا لُکان لئی،بڑی مہربانی بڑی ہی عنایت،بھیگی بھیگی ٹھنڈی ہوا،بُھل جاندے نیں سب غم دُنیادے، فلم”نیند ہماری خواب تمہارے“کا گانا میرامحبوب آگیامن میرا لہرا گیا“ اور فلم”دل لگی“کا گانا”آ گ لگا کر چھپنے والے سن میرا افسانہ“جیسے گانے بھی ان کے کریڈٹ پر ہیں۔
خوب صورت آواز کے مالک مسعودرانا محمدرفیع سے بے حدمتاثرتھے جس کی بناپر انہیں پاکستانی محمد رفیع کے لقب سے بھی پکاراجاتا تھا۔

مسعود رانا اردو اور پنجابی فلموں کے صَف اوّل کے گلوکار تھے، تین عشروں پر محیط کیریئر کے دوران انہوں نے 500 سے زائد فلموں کے لئے گانے گائے، چند لالی ووڈ فلموں میں بطور اداکار بھی جلوہ گر ہوئے۔
ان کے گائے ہوئے گانے اداکار ندیم، محمد علی، وحیدمراد، غلام محی الدین سمیت پاکستان کے تمام بڑے اداکاروں پر فلمبند ہوئے۔
مسعود رانا نےفلموں کے ساتھ ساتھ ٹیلی ویژن کے لئے بھی بہت سے نغمے اورملی نغمے گائے جوآج بھی اسی طرح سُنے اورپسندکئے جاتے ہیں،فلم”مجاہد“ میں ”جاگ اُٹھا ہے سارا وطن“بھی بے حدمقبول نغمات میں شامل ہیں،ان کی آواز میں کئی نعتیں بھی بہت مقبول ہوئیں جن میں ”کرم کی اِک نظر ہم پر خدارا یا رسول اللہ“فلم”ہم راہی“، ”وہ نبیوں میں رحمت لقب پانے والا“(تصویر) اور”مدینے والے سے میرا سلام کہہ دینا“(فلم بھیا) شامل ہیں۔
دنیائے موسیقی کا یہ روشن ستارہ عارضہ قلب میں مبتلا ہونے کے باعث 4 اکتوبر 1995ء کو ہمیشہ کے لیے غروب ہو گیا تھا، مگر ان کے گائے ہوئے گانے ہمیشہ فضاؤں میں گونجتے رہیں گے، مسعود رانا کو نگار ایوارڈز سے بھی نوازا گیا۔

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 days ago
پہلے ایل پی جی اوراب بجلی بم گرا دیا گیا
- 12 days ago

پولیس افسران کی ترقیوں کے خلاف پنجاب حکومت کی اپیلیں خارج
- 11 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 days ago

پیٹرول اور ڈیزل کی قیمتوں میں کمی کا اعلان
- 13 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 days ago





