Advertisement
علاقائی

خیبر پختونخوا میں 4.3 شدت کا زلزلہ، شہریوں میں تشویش

ہفتے کے آغاز میں بھی کراچی کے کچھ حصوں میں 3.2 شدت کا زلزلہ ریکارڈ کیا گیا تھا، جس کا مرکز ملیر کے شمال مغرب میں تقریباً 7 کلومیٹر کے فاصلے پر تھا

GNN Web Desk
شائع شدہ ایک سال قبل پر اکتوبر 4 2025، 10:01 شام
ویب ڈیسک کے ذریعے
خیبر پختونخوا میں 4.3 شدت کا زلزلہ، شہریوں میں تشویش

محکمہ موسمیات کے مطابق خیبر پختونخوا کے مختلف علاقوں میں زلزلے کے جھٹکے محسوس کیے گئے ہیں، جن کی شدت ریکٹر اسکیل پر 4.3 ریکارڈ کی گئی۔

پاکستانی محکمہ موسمیات (پی ایم ڈی) کے مطابق زلزلہ رات 8 بج کر 59 منٹ پر پٹن کے جنوب مشرق میں 22 کلومیٹر دور، زمین کے 31 کلومیٹر اندر ریکارڈ کیا گیا۔ زلزلے کے باعث تاحال کسی جانی یا مالی نقصان کی اطلاع موصول نہیں ہوئی۔

یہ بات قابل ذکر ہے کہ پاکستان تین بڑی ٹیکٹونک پلیٹوں — عربین، یورو-ایشین، اور انڈین پلیٹ — کے سنگم پر واقع ہے، جس کے باعث ملک میں متعدد فالٹ لائنیں موجود ہیں اور زلزلوں کا خطرہ مستقل رہتا ہے۔

یاد رہے کہ رواں ہفتے کے آغاز میں بھی کراچی کے کچھ حصوں میں 3.2 شدت کا زلزلہ ریکارڈ کیا گیا تھا، جس کا مرکز ملیر کے شمال مغرب میں تقریباً 7 کلومیٹر کے فاصلے پر تھا۔

اس سے قبل، ستمبر میں خیبر پختونخوا کے علاقوں — چترال، پشاور، اور سوات — میں 5.5 شدت کے زلزلے کے جھٹکے محسوس کیے گئے تھے، جس نے شہریوں میں خوف و ہراس پھیلا دیا تھا۔

Advertisement
رجحانات
Advertisement