گلوبل صمود فلوٹیلا میں شامل اطالوی کارکن نے اسلام قبول کرلیا

استنبول: غزہ کے لیے امداد لے جانے والی ” گلوبل صمود فلوٹیلا” کے اطالوی کارکن توماسو بورتولازی نے اسرائیلی حراست کے دوران اسلام قبول کر لیا۔

غیر ملکی خبر رساں ایجنسی کے مطابق غزہ امدادی سامان لے جانے والے صمود فلوٹیلا کے اطالوی کارکن نے گرفتاری کے بعد دوران قید اسلام قبول کیا اور رہائی کے بعد اپنے اسلام قبول کرنے کا باقاعدہ اعلان کیا۔

رپورٹس کے مطابق انہوں نے کہا کہ اسرائیلی قید میں ایک روحانی لمحہ ان پر وارد ہوا جس نے ان کے دل کو سکون اور یقین عطا کیا۔ یہ وہ لمحہ تھا جس نے مجھے سکینت اور یقین بخشا۔

انہوں نے کہا کہ اس کیفیت اور روحانی تجربے کے نتیجے میں انہوں نے اسرائیلی جیل میں ہی اسلام قبول کرنے کا فیصلہ کر لیا۔

شول میڈیا پر موسوبورتولازی کی اسلام قبول کرنے کی خبر بڑی تیزی سے وائرل ہو رہی ہے۔

عرب صارفین نے ماسو بورتولازی کے اس روحانی سفر کو ”ظلم کی اندھیری کوٹھڑی سے ایمان کی روشنی تک کا سفر” قرار دیا۔

خیال رہے کہ اسرائیلی حراست سے رہائی پانے کے بعد گلوبل صمود فلوٹیلا کے 137 سماجی کارکن استنبول پہنچ گئے ہیں۔ ان میں 36 ترک شہریوں کے علاوہ امریکا، برطانیہ، اٹلی، اردن، کویت، لیبیا، الجزائر، موریطانیہ، ملائیشیا، بحرین، مراکش، سوئٹزرلینڈ اور تیونس کے کارکن بھی شامل ہیں۔