جی این این نیوز کی خبر  پر ایکشن،ایس او پیز کی خلاف ورزی پر پنجاب تھیٹر گوجرانوالہ سیل

گوجرانوالہ: جی این این نیوز کی خبر پر ایکشن لیتے ہوئے انتظامیہ نے ایس او پیز کی خلاف ورزی کرنے پر پنجاب تھیٹر گوجرانوالہ کو سیل کر دیا گیا۔

تفصیلات کے مطابق پنجاب تھیٹر گوجرانوالہ میں رات ایک بجے کے بعد بھی ڈرامہ جاری رکھا جا رہا ہے جبکہ پنجاب آرٹس کونسل کی جانب سے تمام تھیٹرز کو رات ایک بجے تک بند کرنے کا نوٹس جاری کیا گیا تھا،تاہم پنجاب تھیٹر گوجرانوالہ نے انتظامی احکامات کو نظر انداز کرتے ہوئے شو جاری رکھا۔

تھیٹرکی جانب سے ایس او پیز کی ہونے والی خلاف ورزیی پر جب جی این این کے رپورٹر رانا مجاہد نے معاملہ اٹھایا تو تھیٹر مالک  نے مسلح افراد کے ساتھ مل کر بدترین تشدد کا نشانہ بنایا،ایک گھنٹے تک حبس بے میں رکھا اور زخمی حالت میں باہر پھینک دیا۔

پولیس کو آگاہ کرنے کے باوجود بھی ملوث افراد کیخلاف کوئی کارروائی نہ ہو سکی،، بعد ازاں خبر نشر ہونے پر  ضلعی انتظامیہ کی جانب سے پنجاب تھیٹر سیل کردیا گیا۔

گوجرانوالہ کمشنر سید نوید حیدر شیرازی نے پنجاب آرٹس کونسل کے عملے کو طلب کرتے ہوئے وضاحت طلب کر لی۔