پاکستان اور جنوبی افریقہ کے مابین سیریز کے ٹکٹس کی فروخت آج سے شروع، قیمت کیا ہو گی؟

لاہور:پاکستان اور جنوبی افریقہ کے درمیان ہونے والی سیریز کے ٹکٹس آج سے فروخت کیلئے دستیاب ہوں گے۔

تفصیلات کے مطابق آن لائن ٹکٹس آج شام 5 بجے سے pcb.tcs.com.pk پر دستیاب ہوں گے۔

پی سی بی کے مطابق لاہور اور راولپنڈی ٹیسٹ میچز کے لیے جنرل، فرسٹ کلاس، پریمیئم اور وی آئی پی انکلوژرز میں داخلہ فری ہو گا،جبکہ لاہور اور راولپنڈی ٹیسٹ کے فزیکل ٹکٹس 8 اکتوبر سے ٹی سی ایس ایکسپریس مراکز پر ملیں گے۔

جبکہ پاکستان اور جنوبی افریقہ کے مابین ٹی ٹوئنٹی انٹرنیشنل اور ون ڈے انٹرنیشنل سیریز کے ٹکٹس 16 اکتوبر سے دستیاب ہوں گے۔

پی سی بی کے مطابق ایک شناختی کارڈ پر پانچ ٹکٹس خریدی جا سکیں گی، ٹی ٹوئنٹی انٹرنیشنل میچز کیلئے کم از کم ٹکٹ 400 روپے میں دستیاب ہوگی، فیصل آباد میں تین ون ڈے انٹرنیشنل میچز 4، 6 اور 8 نومبر کو ہوں گے۔

جبکہ فیصل آباد میں جنرل انکلوژر ٹکٹس 400 روپے سے شروع ہو گی اور وی آئی پی ٹکٹس 3 ہزار روپے میں دستیاب ہوں گے۔