آئی ایم ایف مشن اور پاکستانی حکام کے مابین سٹاف لیول معاہدے میں غیرمعمولی پیشرفت

عالمی مالیاتی فنڈ (آئی ایم ایف) مشن اور پاکستانی حکام نے سٹاف لیول معاہدے میں غیرمعمولی پیشرفت کرلی ہے۔پاکستان اور آئی ایم ایف دوسرے ششماہی اقتصادی جائزہ مذاکرات کا اعلامیہ جاری کر دیا گیا۔

جاری کردہ اعلامیہ کے مطابق مذاکرات کے اختتام پر فریقین کے درمیان سٹاف لیول معاہدہ نہ ہوسکا، آئی ایم ایف مشن سربراہ ایواپیٹرووا کا کہنا تھا کہ پاکستان نے کئی شعبوں میں نمایاں پیشرفت کی ہے، آئی ایم ایف نے قرض پروگرام کی شرائط پرعملدرآمد کو مضبوط قراردیدیا۔

ایوا پیٹرووا کی قیادت میں  آئی ایم ایف کی ٹیم نے 24 ستمبر سے 8 اکتوبر تک کراچی اور اسلام آباد کا دورہ کیا، اس دوران پاکستانی حکام کے ساتھ توسیعی فنڈ سہولت کے تحت دوسرے جائزے اور ریزیلیئنس کے تحت پہلے جائزے پر بات چیت ہوئی۔

جاری کردہ اعلامیہ کے مطابق سٹاف لیول معاہدہ طے کرنے کیلئے مزید پالیسی مذاکرات جاری رکھنے پراتفاق ہوا، آئی ایم ایف مشن نے پاکستانی معیشت میں استحکام کی کوششوں کو سراہا ہے، آئی ایم ایف کا مالی نظم و ضبط برقرار رکھنے اور سیلاب متاثرین کی مدد پرزور دیا ہے۔

مہنگائی کو مقررہ ہدف تک رکھنے کیلئے سخت مالیاتی پالیسی برقرار رکھنے کی سفارش کی گئی، توانائی شعبے کی بحالی کیلئے ریگولرٹیرف ایڈجسٹمنٹ اور اصلاحات پراتفاق ہوا، سرکاری اداروں کے حجم میں کمی اور شفافیت میں بہتری پرگفتگو ہوئی۔

اعلامیہ کے مطابق کاروباری ماحول اور کموڈیٹی مارکیٹس کی آزادی کے اقدامات زیرغور ٓآئے، ماحولیاتی تبدیلی سے متعلق ریفارمز کیلئے پاکستان کی کوششوں پر اظہاراطمینان کیا گیا۔