بالی ووڈ کے معروف اداکاردل کا دورہ پڑنے سے انتقال کرگئے

امرتسر: بالی ووڈ کے معروف اداکار وریندر سنگھ گھمن53 سال کی عمر میںدل کا دورہ پڑنے سے انتقال کر گئے۔

بھارتی میڈیا رپورٹس کے مطابق وریندر سنگھ گھمن  امرتسر کے ایک نجی اسپتال میں زیرِ علاج تھے، انہیں اسپتال میں ہی اچانک ہارٹ اٹیک ہوا جس سے وہ جانبر نہ ہو سکے۔
میڈیا رپورٹس کے مطابق ان کے بھتیجے نے تصدیق کرتے ہوئے کہا کہ ان کے چچا کندھے میں درد کی وجہ سے اسپتال میں داخل تھے۔ 

جبکہ اسپتال انتظامیہ کا کہنا تھا کہ ان کے کندھے کا کامیاب آپریشن ہوا تھا،اداکار صحت یاب ہو رہے تھے، بعدا زاں ان کے دل کی دھڑکن میں اچانک غیر معمولی طور پر تیز ہوئی جس کی وجہ ان کا انتقال ہو گیا۔

خیال رہے کہ وریندر سنگھ کا شمار بھارت کے ممتاز باڈی بلڈرز میں بھی کیا جاتا تھا انہوں نے اپنی اسی فٹنس کی بدولت فلمی دنیا میں شناخت بنائی، انہوں نے کئی فلموں میں کام کیا۔

آخری بار انہوں نے سلمان خان ( salman khan ) کے ساتھ فلم ٹائیگر 3 میں اداکاری کے جوہر دکھائے تھے۔