جونیئر ہاکی کپ میں پاکستان اور بھارت کے مابین ٹاکرا منگل کو ہو گا

ویب ڈیسک:سلطان آف جوہر ہاکی کپ کل سے ملائیشیا کے شہر جوہر بارو میں شروع ہورہا ہے۔

 قومی جونئیر ٹیم نے ہاکی اسٹیڈیم جوہر بارو میں بھرپور پریکٹس سیشن کیا، ہیڈ کوچ کامران اشرف کی نگرانی میں مختلف ڈرلز کے ذریعے کھیل میں نکھارلانے کی کوشش کی گئی۔

اس ایونٹ میں اکیس سال تک کی عمر کے کھلاڑی شریک ہوں گے، پاکستان جونئیر ٹیم کل اپنا افتتاحی میچ میزبان ملائیشیا سے کھیلے گی۔

جبکہ پاکستان جونیئر ہاکی ٹیم اپنا دوسرا میچ انگلینڈ کے خلاف اتوار کو کھیلے گی، 14 اکتوبر بروز منگل روایتی حریف پاکستان اور بھارت ( pak vs india ) مدمقابل ہوں گے۔

اس حوالے سے قومی جونیئر ہاکی ٹیم کے کپتان حنان شاہد کا کہنا تھا کہ میچ سے پہلے واحد پریکٹس سیشن میں چیزوں کو بہتر کرنے کی کوشش کی ہے، انہوں نے کہا کہ کسی بھی ایونٹ کا پہلا میچ بہت اہم ہوتا ہے۔

حنان شاہد کا کہنا تھا کہ ملائشیا کی اچھی ٹیم ہے، میزبان ملک کے خلاف میچ جیت کر اپنے اعتماد میں اضافہ کرنا چاہتے ہیں۔