طلال چوہدری نے زور دیتے ہوئے کہا کہ ریاست اور حکومت اس مؤقف پر متفق ہیں کہ ہر فرد کو جمہوری حدود میں رہتے ہوئے احتجاج کا حق حاصل ہے


وزیر مملکت برائے داخلہ طلال چوہدری نے واضح کیا ہے کہ ملک میں جتھوں کے ذریعے سیاست یا دباؤ ڈالنے کی کوئی گنجائش باقی نہیں رہی۔
اسلام آباد میں پریس کانفرنس کے دوران ان کا کہنا تھا کہ ریاست کسی گروہ کی بلیک میلنگ قبول نہیں کرے گی۔ تحریک لبیک پاکستان (ٹی ایل پی) احتجاج کی آڑ میں بدامنی پھیلا رہی ہے۔ انہوں نے کہا کہ پرامن احتجاج ہر شہری کا آئینی حق ہے، لیکن افرا تفری اور تشدد کی اجازت نہیں دی جا سکتی۔
طلال چوہدری نے زور دیتے ہوئے کہا کہ ریاست اور حکومت اس مؤقف پر متفق ہیں کہ ہر فرد کو جمہوری حدود میں رہتے ہوئے احتجاج کا حق حاصل ہے، مگر یہ حق آئین میں درج کچھ شرائط و ضوابط سے مشروط ہے۔
انہوں نے ٹی ایل پی کی ماضی کی سرگرمیوں کا حوالہ دیتے ہوئے کہا کہ اس جماعت نے اپنے مظاہروں میں مسلح جتھوں کا استعمال کیا، جنہوں نے سیکیورٹی اداروں اور قومی و نجی املاک پر حملے کیے، جس کے نتیجے میں قیمتی جانیں ضائع ہوئیں اور اہلکار شہید ہوئے۔
ان کا مزید کہنا تھا کہ ایسے اقدامات سے نہ صرف پاکستان کا عالمی امیج متاثر ہوتا ہے بلکہ شہریوں کے ذاتی اثاثوں کو بھی نقصان پہنچتا ہے۔ لہٰذا، اب ملک میں جتھوں کے ذریعے مطالبات منوانے کا دروازہ بند ہونا چاہیے۔
انہوں نے اس احتجاج کے فلسطین اور غزہ کے نام پر کیے جانے کو تنقید کا نشانہ بناتے ہوئے کہا کہ دنیا بھر میں جہاں جہاں غزہ کے لیے آواز بلند کی گئی، وہاں خوشی اور اطمینان کا اظہار کیا جا رہا ہے۔
طلال چوہدری کے مطابق، فلسطینی عوام نے اللہ کا شکر ادا کیا ہے کہ انہیں امن اور دوبارہ اپنے وطن میں آباد ہونے کا موقع ملا ہے۔ پاکستان سمیت تمام مسلم اور دیگر ممالک نے اس کے لیے جو سفارتی کوششیں کیں، ان کے نتیجے میں ایک امید کی کرن پیدا ہوئی ہے کہ اب فلسطین کو اس کا جائز حق ملنے جا رہا ہے۔
انہوں نے کہا کہ متعلقہ تمام فریق اس پیش رفت پر مطمئن ہیں کیونکہ اس معاہدے سے نہ صرف فلسطینی عوام کو حق ملا ہے بلکہ ظلم کرنے والوں کو بھی پیچھے ہٹنا پڑا ہے۔

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 8 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 9 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 9 days ago

پیٹرول اور ڈیزل کی قیمتوں میں کمی کا اعلان
- 11 days ago
پہلے ایل پی جی اوراب بجلی بم گرا دیا گیا
- 9 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 10 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 8 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 10 days ago

پولیس افسران کی ترقیوں کے خلاف پنجاب حکومت کی اپیلیں خارج
- 9 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 8 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 8 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 9 days ago



