جنوبی افریقہ کے خلاف پہلے ٹیسٹ میچ کے لے پاکستان کا اسکواڈسامنے آ گیا

لاہور:جنوبی افریقہ کے خلاف پہلے ٹیسٹ میچ کے لئے قومی ٹیم کی پلیئنگ الیون کو فائنل کر لیا گیا۔

تفصیلات کے مطابق دو ٹیسٹ میچز کی سیریز کے پہلے ٹیسٹ میچ کا آغاز کل قذافی اسٹیڈیم لاہور سے ہو گا،جنوبی افریقہ کے خلاف پہلے ٹیسٹ میچ میں پاکستانی ٹیم 7 بیٹرز، 2 فاسٹ باؤلرز اور 2 اسپنرز کے ساتھ میدان میں اترے گی۔

جبکہ اسپنر ساجد خان کی جگہ آصف آفریدی 11 رکنی اسکواڈ کا حصہ بنیں گےاور یہ ان کا ڈیبیو میچ ہو گا، 38 سالہ اسپنر بائیں ہاتھ سے گیند کراتے ہیں۔

آصف آفریدی نے 57 فرسٹ کلاس میچوں میں 25.49 کی اوسط سے 198 وکٹیں حاصل کر رکھی ہیں، اسپن باؤلنگ میں ان کا ساتھ نعمان علی دیں گے۔

جنوبی افریقا کے خلاف لاہور میں کھیلے جانے والے پہلے ٹیسٹ میں پاکستان کے 11 کھلاڑیوں میں ، امام الحق، عبداللہ شفیق، شان مسعود ( کپتان)، بابر اعظم، سعود شکیل، محمد رضوان ( وکٹ کیپر)، سلمان علی آغا، شاہین شاہ آفریدی، حسن علی، نعمان علی اور آصف آفریدی (ڈبیو(شامل ہوں گے۔