پشاور:شوہر نے بیوی اور 2 بیٹیوں کو قتل کرنے کے بعد خودکشی کرلی

پشاور میں گھر کے سربراہ نے بیوی اور بیٹیوں کو قتل کرکے خود کشی کرلی۔

پولیس حکام کے مطابق پشاور میں انتہائی افسوسناک واقعہ پیش آیا ہے جہاں فضل حیدر نامی شخص نے پہلے اپنی بیوی کو فائرنگ کرکے قتل کیا اور پھر 2 بیٹیوں کو بھی فائرنگ کرکے قتل کردیا۔

پولیس کا بتانا ہےکہ  بیوی بچوں کےقتل کرنے کے بعد ملزم فضل حیدر نے خود کشی کرلی۔

پولیس کے مطابق فضل حیدر نوشہرہ ڈرائی پورٹ میں ملازمت کرتا تھا تاہم قتل اور خودکشی وجہ تاحال معلوم نہ ہوسکی ہے، چاروں افراد کی لاشیں تحویل میں لےکر مزید تحقیقات شروع کردی ہیں۔