پاک بحریہ کے سربراہ کا کریکس کے اگلے مورچوں کا دورہ، سمندری سرحدوں کے دفاع کیلئے پرعزم

پاک بحریہ کے سربراہ ایڈمرل نوید اشرف نے کہا ہے کہ سمندری سرحدوں کا دفاع کرنا جانتے ہیں۔

پاک فوج کے شعبہ تعلقات عامہ کے مطابق پاک بحریہ کے سربراہ ایڈمرل نوید اشرف نے کریکس کے اگلے مورچوں کے دورے کے دوران پاکستان نیوی کی آپریشنل تیاریوں سمیت جنگی استعداد کا جائزہ لیا اور کہا کہ سر کریک سے جیوانی تک اپنی سمندری سرحدوں کا دفاع کرنا جانتے ہیں۔

CNS reaffirmed PN’s role as vanguard of peace, stability & stated that we know how to defend our sovereignty & every inch of maritime frontiers from Sir Creek to Jiwani. He reaffirmed nation that PN's capabilities stand as strong as our unwavering morale from shores to sea.2/2 pic.twitter.com/bb2wgchhja

— DGPR (Navy) (@dgprPaknavy) October 25, 2025

پاک فوج کے شعبہ تعلقات عامہ کے مطابق جدید ترین 2400 ٹی ڈی ہوورکرافٹ باضابطہ طور پر پاک میرینز میں شامل کر لیا گیا۔ نئے شامل کئے گئے ہوورکرافٹ مختلف ماحول میں مؤثر کارکردگی دکھانے کے حامل ہیں، یہ پلیٹ فارم زمین اور سمندر پر بیک وقت کارروائی کی منفرد صلاحیت سے لیس ہیں۔

سربراہ پاک بحریہ نوید اشرف نے افسران و جوانوں سے خطاب کرتے ہوئے کہا کہ جدید پلیٹ فارمز کی شمولیت سمندری سرحدوں، کریکس کے دفاع کے غیرمتزلزل عزم کی مظہر ہے۔

نوید اشرف کا کہنا تھا کہ سمندری مواصلاتی راستوں اور میری ٹائم سکیورٹی کا تحفظ محض عسکری ضرورت نہیں، یہ قومی خودمختاری، معاشی خوشحالی اور استحکام کی اساس بھی ہے۔ پاک بحریہ بحرِ ہند میں امن و استحکام کی ضامن اور قابلِ اعتماد قوت ہے، ہم اپنی خودمختاری اور سر کریک سے جیوانی تک اپنی سمندری سرحدوں کا دفاع کرنا جانتے ہیں۔

انہوں نے کہا کہ پاک بحریہ کی دفاعی صلاحیتیں ساحلوں سے سمندر تک ہمارے غیرمتزلزل حوصلے کی طرح مضبوط ہیں۔