اسحاق ڈار کا سعودی وزیر خارجہ سے ٹیلیفونک رابطہ ،دو طرفہ امور اور سیکیورٹی صورتحال پر تبادلہ خیال
دونوں وزرائے خارجہ نے اس بات پر اتفاق کیا کہ خطے میں امن و سلامتی کو برقرار رکھنے کے لیے تحمل، دانشمندی اور سفارتی ذرائع کو بروئے کار لانا ناگزیر ہے


اسلام آباد:نائب وزیراعظم محمد اسحاق ڈار نے سعودی وزیر خارجہ شہزادہ فیصل بن فرحان سے ٹیلیفونک رابطہ کیا،
ترجمان دفتر خارجہ کے مطابق ٹیلیفونک گفتگو میں دونوں رہنماؤں نے دو طرفہ باہمی امور اور خطے کی تازہ صورتحال پر تفصیلی تبادلہ خیال کیا۔
دفتر خارجہ کے ترجمان طاہر اندرابی کی جانب سے جاری بیان میں کہا گیا کہ پاکستان ریاض میں مجوزہ جامع مذاکرات کا خیرمقدم کرتا ہے اور یمن کے تمام فریقین پر ایک بار پھر زور دیتا ہے کہ وہ طے شدہ اصولوں کے تحت مذاکراتی اور سیاسی حل کی جانب پیش رفت کریں۔
بیان میں اس بات کا اعادہ کیا گیا کہ پاکستان یمن کی وحدت اور خطے کی سلامتی کے لیے اپنی مکمل حمایت جاری رکھے گا۔
دفتر خارجہ کے مطابق پاکستان کو برادرانہ تعلقات اور اتحاد کے اصولوں کی بنیاد پر امید ہے کہ علاقائی سطح پر کی جانے والی کوششیں یمن میں دیرپا امن اور استحکام کی بحالی میں مددگار ثابت ہوں گی۔
ترجمان دفتر خارجہ کے مطابق اسحاق ڈار نے یمن سے متعلق سعودی وزارت خارجہ کے بیان کو سراہا اور خطے میں مسائل کے خوش اسلوبی سے حل کے لیے تمام فریقین کی کوششوں کی تعریف کی۔
ترجمان نے مزید بتایا کہ محمد اسحاق ڈار نے گفتگو میں اس امر پر زور دیا کہ علاقائی امن اور استحکام کے مفاد میں تمام مسائل کا حل بات چیت اور سفارتکاری کے ذریعے نکالا جانا چاہیے۔
دونوں وزرائے خارجہ نے اس بات پر اتفاق کیا کہ خطے میں امن و سلامتی کو برقرار رکھنے کے لیے تحمل، دانشمندی اور سفارتی ذرائع کو بروئے کار لانا ناگزیر ہے۔

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 10 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 دن قبل
پہلے ایل پی جی اوراب بجلی بم گرا دیا گیا
- 10 دن قبل

پیٹرول اور ڈیزل کی قیمتوں میں کمی کا اعلان
- 12 دن قبل



