ملک کے بیشتر حصوں میں گرج چمک کے ساتھ بارش کا امکان

 محکمہ موسمیات کے مطابق خطۂ پوٹھوہار ، سیالکوٹ،  گجرات،نارووال، لاہور،  گوجرانوالہ،حافظ آباد ، اوکاڑہ،  منڈی بہاؤا لدین میں آندھی اور گرج چمک کے ساتھ بارش کا امکان ہے، جھنگ، ٹوبہ ٹیک سنگھ،فیصل آباد  ، سرگودھا، میانوالی، لیہ، بھکر، ڈیرہ غازی خان، ملتان، ساہیوال ،بہاولپوراور بہاولنگر میں آندھی اورگرج چمک کے ساتھ بارش کا امکان  ہے۔

 محکمہ موسمیات کاکہنا ہے کہ ایبٹ آباد ،  مانسہرہ ، کوہستان،شانگلہ،بونیر،  سوات ،  دیر، مالاکنڈ، مردان،صوابی،  چارسدہ میں آندھی اور گرج چمک کے ساتھ بارش کا امکان ہے۔ جبکہ  نوشہرہ،پشاور  ، کرم  ،کوہاٹ،  کرک،بنوں ،وز یرستان اور ڈیرہ اسماعیل خان میں آندھی اور تیز ہواؤں  اورگرج چمک کےساتھ   بارش  کا امکان ہے۔

صوبہ سندھ کے بیشتر جنوبی اضلاع میں مطلع ابر آلود رہنے کے ساتھ  کراچی ، ٹھٹہ، بدین اور تھر پارکرمیں ہلکی بارش اور بوندا باندی کی توقع ہے۔ صوبہ بلوچستان کے بیشتر اضلاع میں موسم گرم اور مرطوب رہے گا۔  

ژوب، موسی خیل، بارکھان اور گردو نواح میں تیز ہواؤں اورگرج چمک کے ساتھ   بارش کا امکان ہے۔ کشمیر اور گلگت بلتستان میں   تیز ہوا ؤں اور گرج چمک کےساتھ بارش کی توقع ہے، کشمیر میں چند مقامات پر موسلادھار بارش کا امکان ہے۔