ضلع باغ : ایل اے 16 کے 4 پولنگ اسٹیشنزمیں آج دوبارہ پولنگ ہوگی

تفصیلات کے مطابق ان پولنگ اسٹیشنز پر 25 جولائی کو ہنگامہ آرائی کی وجہ سے پولنگ نہیں ہوسکی تھی،2 پولنگ اسٹیشنز میں جھگڑے  جبکہ دیگر 2 پولنگ اسٹیشنز پر بیلٹ پیپر جلانے کے بعد پولنگ کاعمل معطل ہوا تھااوراس حلقے کے نتائج روک لئے گئے تھے۔پی ٹی آئی کے امیدوار سردار میر اکبر اور پیپلزپارٹی کے امیدوار سردار قمر زمان کے مابین کانٹے کا مقابلہ متوقع ہے۔مسلم کانفرنس کے جاوید خلیل عباسی  نے پی ٹی آئی کے میر اکبر کی حمایت کا اعلان کردیا ۔

ان چاروں پولنگ اسٹیشنز پررجسٹرڈ ووٹرز کی  مجموعی تعداد  2 ہزار 300  ہے ۔

خیال رہے کہ غیر سرکاری نتائج کے مطابق  تحریک انصاف 45 میں سے 25 نشستوں پر کامیابی حاصل کرکے آزاد جموں وکشمیر کے انتخابات میں واحد بڑی جماعت بن  گئی  ہے۔ پیپلز پارٹی نے 11 اور مسلم لیگ (ن) نے چھ نشستیں حاصل کیں۔جموں وکشمیر پیپلز پارٹی اور آل جموں و کشمیر مسلم کانفرنس دونوں نے بھی ایک ایک نشست حاصل کی۔