Advertisement

پہلا ٹی 20: پاکستان نے سری لنکا کو 6 وکٹوں سے شکست دے دی

پاکستان کی جانب سے صاحبزادہ فرحان 51 رنز کیساتھ نمایاں رہے، صائم ایوب 24، سلمان آغا 16 اور فخر زمان 5 رنز بناکر آؤٹ ہوئے

GNN Web Desk
شائع شدہ 10 ماہ قبل پر جنوری 7 2026، 9:57 شام
ویب ڈیسک کے ذریعے
پہلا ٹی 20: پاکستان نے سری لنکا کو 6 وکٹوں سے شکست دے دی

دمبولا:  ٹی 20 سریز کے پہلے میچ میں پاکستان نے سری لنکا کوباآسانی 6 وکٹوں سے شکست دیدی۔

تفصیلات کے مطابق سری لنکا کی جانب سے ملنے والا 129 رنز کا ہدف شاہینوں نے باآسانی 16.4 اوورز میں 4 وکٹوں کے نقصان پر حاصل کرلیا۔

پاکستان کی جانب سے صاحبزادہ فرحان 51 رنز کیساتھ نمایاں رہے، صائم ایوب 24، سلمان آغا 16 اور فخر زمان 5 رنز بناکر آؤٹ ہوئے۔

قبل ازیں دمبولا میں ہونیوالے ٹی 20 سیریز کے پہلے میچ میں پاکستان کرکٹ ٹیم کے کپتان سلمان علی آغا نے ٹاس جیت کر میزبان ٹیم کو پہلے بیٹنگ کی دعوت دی تاہم پہلے بیٹنگ کرتے ہوئے سری لنکا کی پوری ٹیم آخری اوور میں 129 رنز بناکر ڈھیر ہوگئی۔

سری لنکا کی جانب سے جنیت لیانج 40 رنز بنا کر ٹاپ سکورر رہے ، چارتھ اسالنکا اور ونند ہسارنگا نے18 ، 18 رنز بنائے، کوشال مینڈس نے 14، پتھم نسانکا اور داشن شاناکا نے 12، 12 جبکہ دھننجایا ڈی سلوا نے 10رنز بنائے۔

پاکستان کی جانب سے سلمان مرزا اور ابرار احمد نے3،3 وکٹیں حاصل کیں، محمد وسیم جونیئر اور شادب خان نے2، 2 وکٹیں حاصل کیں،ابرار احمد نے ونندو ہسارنگا کو آؤٹ کر کے انہیں کے سٹائل میں جشن منایا۔ 

Advertisement
رجحانات
Advertisement