لیجنڈ اداکار مصطفیٰ قریشی بھی کورونا وائرس کا شکار

تفصیلات کے مطابق  پاکستانی فلم انڈسٹری کے سینئر اداکار  مصطفی قریشی  گزشتہ  کئی دنوں سے علیل تھے، انکی اہلیہ روبینہ قریشی کا کورونا ٹیسٹ بھی  مثبت آیا ہے  جس کے بعد دونوں میاں بیوی نےخود کو گھر میں قرنطینہ کرلیا ہے۔81 سالہ مصطفی قریشی نے اپنے پر ستاروں سے دعائے صحت کی درخواست کی ہے۔

اداکار مصطفی قریشی یکم مئی 1940ء کو حیدر آباد میں پیدا ہونے والے اداکار نے ریڈیو پاکستان حیدر آباد سے اپنے فنی سفر کا آغاز کیا۔لیجنڈ اداکار کی پہلی فلم 1958ء میں ریلیز ہوئی۔ مذکورہ فلم نے باکس آفس پر شاندار بزنس بھی کیا تھا۔ پنجابی فلم”مولا جٹ“ میں انہوں نے نوری نت کے کردار کو بھی انمول بنادیا۔

40سال سے زائد فلم انڈسٹری پر راج کرنے والے اداکار کی مشہور فلموں میں لاکھوں میں ایک، جی دار، سلطنت، حاجی بابا، پیاملن کی آس، آرزو، ظل شاہ، سہاگن، سوہا جوڑا، گاڈ فادر، شادمانی، ضدی خان، جٹ دا ویر سمیت دیگر شامل ہیں۔