کراچی سمیت سندھ بھر میں 8اگست تک لاک ڈاؤن

تفصیلات کے مطابق کرونا وائرس کی صورتِ حال کے حوالے سے صوبائی ٹاسک فورس کا اجلاس وزیرِ اعلیٰ سندھ مراد علی شاہ  کی زیرصدارت  وزیر اعلیٰ ہاؤس کراچی میں  ہوا ، جس میں    شہر  میں مزید پابندیاں عائد کرنے کی منظوری دی گئی ۔ جو ویکسین نہیں لگوائے گا  ان کو اگست کی تنخواہ نہیں دی جائیگی ۔

کراچی میں نئی پابندیوں کےساتھ کل سے 8 اگست تک 9 دن کا لاک ڈاؤن ہوگا جس کے تحت انٹرسٹی ٹرانسپورٹ بند ہوگی ، اگلے ہفتے سے سرکاری دفاتر بند رہیں گے جبکہ ایکسپورٹ انڈسٹری کھلی رہے گی۔ میڈیکل سٹورز کھلے رہیں گے تاہم تمام مارکیٹس بند رہیں گی۔سڑک پر گھومنے والے افراد کا ویکسی نیشن کارڈ چیک کیا جائے گا۔

فیصلے کے تحت شادی ہالز،سینما،سیاحی مقامات،سکول کاجز کی بندش کافیصلہ برقرار رکھا گیا ہے جبکہ شام چھے بجے تک دکانیں بند رکھنے کا فیصلہ برقرارکیا گیا ہے ۔  بین الاضلاع ٹرانسپورٹ بندش کے لیے این سی او سی کو سفارش کی جائےگی ۔ 

دوسری جانب  نیشنل کمانڈ اینڈ آپریشن سینٹر (این سی او سی) نے مکمل لاک ڈاؤن کی مخالفت کی تھی ۔این سی او سی کے سربراہ اور وفاقی وزیر منصوبہ بندی اسد عمر کا کہنا ہے کہ پورے پورے شہر ہفتوں بند کرنا حل نہیں۔ بار بار آزما چکے ایس او پیز پر عمل درآمد اور زیادہ متاثرہ علاقوں میں لاک ڈاؤن سے کامیابی ملی۔

خیال رہے کہ کراچی میں شرح 22.6 فیصد رہی، حیدرآباد میں کورونا مثبت کیسوں کی شرح 9 فیصد اور سندھ بھر میں مجموعی طور پر شرح 13.4 فیصد ریکارڈ کی گئی۔