وزیراعلیٰ پنجاب مریم نوازکا 40لاکھ رمضان کارڈ دینے کا اعلان

لاہور: وزیراعلیٰ پنجاب مریم نواز شریف نے 40لاکھ رمضان کارڈ دینے کا اعلان کردیا۔

تفصیلات کے مطابق ا س حوالے سے منعقدہ تقریب سے خطاب کرتے ہوئے مریم نواز  نے کہا کہ رمضان نگہبان کارڈ مستحق افرادکی دہلیز پرپہنچایا جا رہا ہے،اگرکسی کوراشن کی ضرورت ہےتو اسے پہنچایاجائےگا،ماہ رمضان میں مہنگائی کاجن باہرنکل آتاہے،مہنگائی پرقابو پانےکیلئے خصوصی انتظامات کیےجائیں گے۔

تقریب سے خطاب میں مریم نواز شریف نے کہا کہ مصنوعی مہنگائی پیدا کرنے والوں کے خلاف سخت ایکشن لیا جائے گا،عوام کو ریلیف دینے کیلئےخصوصی انتظامات کیے جائیں گے، عوام کو سستی اور معیاری اشیاء کی فراہمی یقینی بنانا اولین ذمہ داری ہے۔

وزیراعلیٰ پنجاب نے پرائس کنٹرول مجسٹریٹس کو فیلڈ میں متحرک ہونے کی ہدایت کرتے ہوئے کہا کہ رمضان بازاروں اور عام مارکیٹوں میں قیمتوں کی کڑی نگرانی کی جائے گی۔

انہوں نے مزید کہا کہ دنیابھرمیں دوران رمضان خصوصی بچت کاؤنٹرز لگائے جاتےہیں،ذخیرہ اندوزوں اور گراں فروشوں کو معافی نہیں ملے گی،سہولت بازاروں سے ہوم ڈیلیوری بھی ہو گی۔